На блогов можеби имаме разни богати рецепти, ама освен готвење со сланина, свинско, путери и кашкавали, често се трудиме да јадеме и здрава храна. Јас секој ден редовно читам блогови и сајтови за храна, ама обавезно читам и блогови за здрав живот, и оттаму ми е идејата и рецептот за овој појадок. (Омилен блог за инспирација за здрава храна/живот ми е Kath Eats Real Food)

oat bran 0

Scroll down for the recipe in English.

Денешниов појадок е варени овесни трици. Е сега, мислам дека дискусијата за македонскиот збор “трици” ќе мора да ја оставиме за друг пат за да не ни се расипе апетитот, ама бидејќи на пакувањето така е напишано, така и јас ќе ги викам. (ако има некој идеја за подобар збор од трици, нека остави коментар). Според wikipedia триците се надворешниот дел од разни житарици, како пченица, овес, јачмен, и се многу здрави, особено за дигестивниот тракт и за срцето. Овие овесни трици изгледаат како средно смелени цели овесни зрна. Јас пакувањево го купив во Веро, каде видов вакви производи од неколку различни компании, ама бидејќи никој не ме спонзорирал на фотографијата подолу го сокрив производителот. Триците ќе ги најдете на полиците со здрава храна и верувам дека ги има и во други супермаркети.

oat bran 1

Е сега штом завршивме со деталите околу тоа што се, и каде да ги најдете, време е да ви кажам колку неверојатно вкусни се овие овесни трици. Јас преферирам да ги јадам топли, зготвени ама сигурно се во ред и ладни со јогурт. Рецептов подолу е само идеја и груба информација како да ги зготвите. По желба може да додадете какво сакате овошје, или цимет, шеќер, путер од кикирики, ореви … комбинациите се безброј. Многу лесно и многу брзо се прават. Појадокот ќе ви биде готов за 5 минути.

oat bran 2

(Освен овесни трици, од Скопје во Холандија си носам домашен ајвар и малиџано од тетка Билјана и чичко Никола, овчо сирење од Здравје, просо, вегета од Алкалоид – таа поздравата, бадеми и лешници од зелен пазар, бел чај со портокал од Билната аптека на Алкалоид, и едно 20 различни ‘бонжити’ на Виталиа. Уште само фали царина да ме фати !!)

oat bran 3

Вака изгледаат измешани со млекото.

за 1 лице: (ова е мојата типична доза, слободно додајте или одземете по потреба)
6 лажици овесни трици
18 лажици вода
6 лажици млеко
многу мала ронка сол (мора да пробате со сол, неопходен додаток за добар вкус на појадоков)
пола бананa 

Додатоци:
јагоди, боровинки, капини
цимет
шеќер
ореви, лешници, бадеми
путер од кикирики
ленено семе, семки од сончоглед и тиква
суво грозје

Ставете ги триците и водата и солта во мало тенџере и со мешање на средна температура, гответе ги 3-5 минути, дур не станат густи како качамак. Тргнете ги од оган и додајте го ладното млеко и убаво измешајте. Во мал сад исецкајте ја бананата и истурете ги зготвените трици врз неа, и на крај додајте ги додатоците по избор. Уживајте и ако имате идеја за друг рецепт со овесни трици, обавезно оставете коментар!

(п.с. можете да ме видите во одразот на лажицата! You can see me in the reflection in the spoon)

I know we like to post a lot of rich, creamy, bacony, cheesy recipes over here, but in reality we also try to eat healthy. I regularly read food blogs daily, but I also read healthy living blogs too. One of my favorite ones for healthy food inspiration in Kath Eats Real Food.

This here is one of my favorite healthy breakfasts: oat bran. I like it cooked with water, with a bit of milk added and always a banana, while hazelnuts, strawberries, raisins, cinnamon or peanut butter are all optional add ons.

oat bran 5

for 1 person:
1/3 cup oat bran
1 cup water
1/3 cup milk
pinch of salt
half a banana

Cook the oat bran with the water and salt in a small saucepan for 3-5 mins. while stirring. Remove from heat, then add the cold milk. In a bowl, chop the banana, then pour in the oat bran and add whatever you like on top. Enjoy and please leave a comment if you have any recipe ideas for oat bran!

Print Friendly, PDF & Email
previous post: Мафини со џем / Jam muffins
next post: Тортиља супа … Tortilla Soup

5 Comments

  1. Ana

    Za ovesnite trici, Dukan veli deka se SVETILNIK (ili far) vo ishranata. Po negova preporaka, sekoj den treba da se pocne so pojadok so trici(ovesni, pcenicni…, zasto tie gi sodrzat neophodnite vlakna koi pomagaat vo varenjeto i isfrlanjeto na hranata.
    Za eden pojadok se dovolni 3 lazici ovesni trici, koe jas go primenuvam dolgo vreme. Receptot sto e predlozen e odlicen, no eve i druga ideja:
    3 lazici trici
    1 solja jogurt (ubavo e i so ovosen jogurt)
    ovosje
    Se stavaat tricite vo jogurtot, se ostavaat da stojat pola cas, ili se pravat odvecer, pa preku noc da stojat vo frizider. Pred jadenje se dodava sitno seckano ovosje po zelba i se promesuva.
    jas iskreno gi preporacuvam tricite(imeto voopsto ne smeta), zasto mnogu problemi se digestivniot trakt lesno ke se resat.

  2. ана, фала за идејата, вака е дури уште поедноставно подготвувањето, без варење.

    • Ana

      Bijana, fala ti mnogu tebe, sto go aktuelizira ova tolku vazno jadenje. Se preporacuva i za onie sto se na dieta (ima mnogu recepti so ovesni trici: pogacici, palacinki, lebce), zasto e niskokaloricno, bukvalno tricite i nemaat kaloriska vrednost. Pozdrav.

  3. Kristina

    bravos za receptov,go imam ova jadeno vo amerika,a ovde nemozev da najdam recept,isto taka za dodatok mozi da se dodaj i corn flakes,kafeav seker i banana(mojata omilena kombinacija 🙂 )

  4. фала, кристина, супер идеја е корнфлејксот.

Leave a Reply