scroll down for the recipe in English
рецепт прилагоден од Anjum’s New Indian на анџум ананд.
ова јадење има малце подолга листа на состојки, ама воопшто не е комплицирано за правење.
4 лажици зејтин
1 голем кромид, исецкан
4 лажици гоански црвен сос
4 големи патлиџани (или 1 конзерва)
сол
700 g пилешки копани, без кожа
за гоанскиот црвен сос:
2 кромида, ситно исецкани
6 лукчиња, смачкани
4 лажици зејтин
8 црвени чили пиперчиња, ситно исецкани
2 лажички мелен кимин
2 лажички мелен кардамом
1 лажичка мелен цимет
4 лажички мелен турмерик
4 лажички мелен коријандер (мојот не е мелен, само малку го дробам со прсти и ми се допаѓа таков, кога ќе ми дојде да го грицнам)
1 лажичка мелени каранфилчиња
4 лажички мелен црн бибер
3 лажици црвен пипер
2 парчиња од околу 10 cm свеж ѓумбир, изрендан
1 чаша вински оцет
прво направете го црвениот гоански сос. испржете ги кромидот и лукчето во средно загреан зејтин, околу 7 минути. додадете ги зачините и пржете уште 3 минути со постојано мешање. тргнете го тавчето од шпоретот и додадете го оцетот. кога ќе се олади, изблендирајте го и можете да го чувате во тегла во фрижидер неколку месеци.
за црвеното гоанско пилешко, прво испржете го кромидот 10тина минути, додадете го сосот, мешајте 2-3 минути, ставете ги патлиџаните исецкани, ставете капак на тенџерето и оставете да се крчка десетина минути на тивко. потоа тргнете го капакот и мешајте уште 6-8 минути, да омекнат патлиџаните. ставете ги копаните, па по неколку минути ставете една чаша вода, почекајте да зоврие и тогаш повторно ставете го капакот на тенџерето и оставете да се крчка на тивко 20-25 минути. потоа тргнете го капакот и зголемете ја температурата малку да се згусне сосот. вкусно е со варен басмати ориз или со пире или рестован компир.
This recipe has a longer list of ingredients but it’s not complicated at all. The recipe is adapted from the book Anjum’s New Indian by Anjum Anand.
Serves 6.
next post: Пита со капини / Blackberry pie