All posts in “бамји”

Јанија / Beef stew

јанија е едно од моите омилени јадења. долго се готви, ама нема многу работа. може и сите зеленчуци да ги ставите на почетокот одеднаш, ама јас не сакам да ги преварам морковите па ги додавам во манџата при крај. овој пат додадов и сладок компир, кој убаво се вклопи.

Пилешко и зеленчук на пареа / Steamed chicken with vegetables

во последно време од многу готвење немам време за блогирање, ама сега, пред да одам пак да готвам, дојдов да ви кажам за едно пилешко и едни моркови и брокули.
ние баш почнавме да се навлекуваме на јадења зготвени на пареа. лососот беше фантастичен, денеска пак ќе го правам, а пред некој ден јадевме пилешки стек со моркови и брокули. многу лесно и едноставно за подготвување, а многу вкусно. треба да се проба со разни зеленчуци. веќе размислувам за цвекло и тиквици.

за тројца:
3 пилешки бели меса
неколку моркови (сега има убави млади)
една помала главица брокула
свеж магдонос
сол, бибер

наједноставно би било ова да го зготвите во electrolux рерна на пареа, но сосема добро излегува и со обична рерна, само ви треба тавче со решетка и капак. во тавчето сипете вода, ставете ја решетката, врз неа наредете го белото месо (ако сакате можете да го исечете на помали парчиња, ако не, ставете го цело), па морковите исечени на четвртинки, посолете, побиберете, ставете неколку гранчиња свеж магдонос, поклопете го сето тоа со капак и ставете го во загреана рерна на 250°C да се готви околу пола саат. од време на време проверете ја водата под решетката, ако испари дотурете зовриена. кога месото ќе биде скоро готово, ставете ги брокулите исечени на парчиња, вратете го капакот и оставете го тавчето во рерна уште 10тина минути. месото станува меко, а зеленчукот зготвен, а сепак не преварен.

ние ова го јадевме со сосче од бамји, патлиџани и пченка:

на 2 лажици путер испржете еден кромид, исечен на тенки резанки, малку да омекне. додадете 1-2 шољи бамји, исецкани на половинки или третинки. после 5-6 минути додадете 2-3 средни патлиџани, исецкани (нашиве беа малку суви, инаку јас би сакала малку пососест да биде овој сос), 1 лажиче сол, 1/2 лажиче црвен пипер и 1/2 лажиче кари. пржете го тоа на тивко 10тина минути, па додадете 1 шоља замрзната пченка и мешајте додека пченката не се стопли.

lately i’ve been cooking a lot and not blogging at all, so before i go cook some more let me tell you about these chicken breasts and carrots and broccoli.
we became hooked to the steam cooked food. the salmon was fantastic, today we are having it again for dinner, and a few days ago we had steamed chicken breasts with carrots and broccoli. easy to make, yet very tasty. i’m thining of making it with different vegetables, like beets and courgettes.

for three:
3 skinned and boned chicken breasts
a few carrots
1 small head broccoli
fresh parsley
salt, pepper

the easiest way is to cook this in an electrolux steam oven, but the results are equally good from a regular oven, you just need a pan with a grid and a lid. put water in the pan, put the grid and arange the chicken breasts on it, then the carrots cut in half lengthwise, season with salt and pepper and sprinkle with the fresh parsley springs. put the lid on and bake in a preheated oven at 250°C around half an hour. check the water occasionally. if it evaporated, refill with boiled water. when the meat is almost done add the broccoli and cook for 10 more minutes, with a lid again. the meat becomes tender and the vegetables are soft but not overcooked.

we ate this with okra, tomato and corn sauce:

heat 2 tablespoons butter and saute one onion, cut in thin wedges. add 1-2 cups okra cut in half, and saute 5-6 minutes. add 2-3 chopped tomatoes (ours were too dry, but i’d like this sauce to be more saucy), 1 teaspoon sat, 1/2 teaspoon paprika and 1/2 teaspoon curry powder. cook this on low heat around 10 minutes, then add 1 cup frozen corn kernerls and stir until the corn is heated through.

Bhindi bhajee (пржени бамји)


околу 300 gr бамји
4 средни патлиџани или една конзерва цели лупени патлиџани
1 кромид
1 лажиче цели зрна кумин
2 лукчиња, ситно исецкани
луто пиперче, ситно исецкано
пола лажиче куркума (турмерик)
пола лажиче гарам масала
сол, бибер

патлиџаните исечени на пола и измешани со малку маслиново масло, сол и бибер ставете ги во тавче со ребресто дно, со исечената страна надолу и печете ги околу 40 минути во рерна, негде на пола еднаш промешајте ги. потоа извадете им ја лушпата.
кромидот исечен на кришки испржете го малку да се зарумени, па додадете му го куминот и другите зачини, лукчето, пиперчето, бамјите и сол. пржете го тоа уште малку па ставете ги излупените патлиџани или конзервата патлиџани. оставете го на тивко околу 20 минути со повремено мешање. ако стане многу суво додајте малку вода.