All posts in “магдонос”

Parsley salad | Sitno seckano

Салата од магдонос / Parsley salad

Две салати / Two salads

од едно патување во истанбул, еднo од јадењата кои најмногу ми останаа во сеќавање е ручекот последниот ден пред да си одиме, во едно мало преполно кафанче во близина на египетскиот пазар во кое прво седнавме само да јадеме благо од кадаиф, сирење и шербет (кунефе), ама набрзо ја сменивме нарачката и јадевме цел ручек.

првото нешто што ни го донесоа беше салатата езме заедно со округли лепчиња и црвен булгур. беше неверојатно освежителна и вкусна, па пробав да ја направам и дома. најдов повеќе рецепти за неа, ама ја направив најмногу според овој. салатата е многу вкусна поради сите состојки, ама мислам дека сирупот од калинка и сумакот придонесуваат да биде освежителна и киселкаста.

Continue Reading…

Печени пастрмки / Roasted trout

сите знаеме дека е добро да се јаде риба, барем еднаш неделно… или три пати. ние најчесто јадеме пастрмка, едноставно испечена, а кога имам време ѝ додавам компири и кромид. вака испечен, кромидот е многу вкусен, стопен и сладок.

Continue Reading…

Тарт со синап и домати / Tomato mustard seed tart

сте ги пробале ли сосовите на мирана? кој е вашиот омилен? мене на прво место ми е синап. го ставам во сендвичи, помешан со мед, врз пилешко, пред да го печам, во преливи за салата, во ќофтиња… а еве уште една вкусна идеја како да го употребите.

Чворчиња со лукче / Garlic knots

лукче и магдонос – најдобри другари, така вели џејми оливер во неговите емисии, а син ми се смее на тоа. ама лукче и магдонос навистина е одлична комбинација, уште и премачкани на чворчиња од тесто… нема да можете да каснете само едно или две.

Continue Reading…

Песто од магдонос или ‘имам енергија за само 5 минути во кујна’

Знаете како некои денови, со саати стоите во кујна, сецкате, мешате, мерите, толчите … едноставно уживате во готвењето? Ви доаѓаат интересни идеи, јадењето полека се крчка и се е совршено во светот? И јас така… најчесто. Всушност скоро секој ден ….. освен оние денови кога ништо не иде како што треба, уморна сум, иритабилна и најважно од се многу гладна. Во такви денови, ем ми треба јадење ем имам сила и трпение за само 5 минути во кујна. Рецептов е совршен за вакви ситуации, а пестово може да се јаде со лепче, со тестенини, врз варени компири, како прелив врз салата од домати … што значи брз и вкусен оброк кој може да го адаптирате со состојките кои ги имате дома.

Идејата е од овој интересен сајт. За пестово ви треба или мал блендер или посуда и толчник (ама со блендер е се разбира многу полесно).

1 китка магдонос (исчистен од поголемите гранчиња)
1 лукче
една шака ореви
една шака црни маслинки (без семки, или семките исчистени)
околу 100 грама ситно изрендан пармезан, пекорино романо или биено сирење (биено сирење е одлична замена за пекорино романо)
околу 80 мл. маслиново масло (или третина чаша од 250 мл.)
бибер (сол не ви треба бидејќи и сирењето и маслинките се доволно солени)


Ако користите блендер, ставете ги сите состојки во него освен маслото и изблендирајте ги, потоа додајте го маслото на два или три пати. Ако пестото го точите во толчник, почнете со лукчето, па магдоносот и маслинките и на крај додајте го сирењето и маслото. Ако го јадете пестото со тестенини, по варењето на тестенините, кога ќе ги цедите, задржете настрана 1 чаша од водата во која се вареле, и ако пестото е премногу густо за нив, додајте неколку лажици од оваа вода кога ќе го мешате пестото со тестенините.

Пестово, ставено во чиста тегла во фрижидер, ќе трае околу недела дена, а можеби и подолго.