All posts in “маслинки”

Quick pizza dough | Sitno seckano

Брзо тесто за пица / Quick pizza dough

кога последен пат зборевме за пица, ви реков дека имам рецепт за одлично брзо тесто. ваква пица најчесто правам во денови кога ќе дојдам од работа, а немам ништо смислено за ручек, ниту имам време. тестово се прави за неколку минути, нема месење, стои додека ги подготвувате другите состојки, лесно се развлекува и веднаш можете да ја печете пицата.

Continue Reading…

Шпагети со печени патлиџани / Pasta with roasted tomatoes

во последно време на пазар сé почесто можат да се најдат вакви долгнавести патлиџани. вкусни се, иако не се многу сочни, ама баш затоа се погодни за печење. ние ги јадевме за ручек со шпагети со маслинки, капари, лута пиперка и босилок и беше убава промена од вообичаените шпагети со кечап, а следниот ден со печени модри патлиџани.

Continue Reading…

Наполнето лепче / Stuffed bread

ако сé уште имате варени јајца од велигден, еве идеја како да ги искористите на вкусен начин. секако, лепчето може да се наполни и со друг фил, како сте расположени.

Continue Reading…

Мафалета / Muffaletta

сендвичот мафалета не е единствената работа поради која би одела во њу орлеанс.

додека чекам да се створи прилика да отидам таму и да го пробам сендвичов во ресторанот во кој е измислен, решив да го направам дома. одличен е за носење на излет, ако одите некаде следниве денови.

Continue Reading…

Мароканско пилешко со маслинки и солени лимони / Morrocan chicken with olives and preserved lemons

пред нова година направивме марокански лимони со сол, една од тајните состојки на мароканските јадења. отстојаа три недели и дојде време да ги пробаме. прво јадење во кое ги пробавме лимоните е ова мароканско пилешко според рецепт од книгичката step-by-step moroccan cooking и јас сум воодушевена од вкусот кој го додаваат лимоните во оваа мирисна и вкусна манџа. ја имам правено и без лимони, ама со лимониве е нешто друго.

Continue Reading…

Салата од просо / Millet salad

scroll down for the recipe in english.

ова е лесна пролетна салата, не само вкусна, туку и здрава. рецептот е од овде.

1/2 – 3/4 шоља просо
2 1/2 шољи вода
1 1/2 лажиче сол
2 лажици маслиново масло
2 лажици вински оцет
1 лажица сок од портокал
свежо мелен црн бибер
4 ротквици, тенко исецкани
неколку гранчиња свеж магдонос
2-3 млади кромитчиња
1/4 шоља крупно исецкани црни маслинки
1/2 голема краставица, или 1 мала, исецкана на четвртинки кругчиња

загрејте едно тавче или тенџере на средно, па во него ставете го просото да се тостира околу 7 минути, со мешање скоро цело време, додека малку не се зарумени. сипете ја водата и 1/2 лажиче сол, почекајте водата да зоврие, па намалете ја температурата, поклопете го тенџерето и варете го просото околу 20 минути, додека не омекне. тргнете го од шпорет и оставете го поклопено околу 5 минути, а потоа тргнете го капакот и оставете го да се олади.

измешајте ги маслиновото масло, оцетот, сокот од портокал, биберот и останатата 1 лажичка сол во садот во кој ќе ја послужите салатата. додадете ги ротквиците, кромитчето, краставицата, маслинките и магдоносот, промешајте, па додадете го просото и повторно промешајте. оставете ја салатата да отстои 5-10 минути пред да ја послужите.

this is a light spring salad, that is not only tasty but healthy, too. the recipe is from here.

1/2 – 3/4 cup millet
2 1/2 cups water
1 1/2 teaspoons salt
2 tablespoons olive oil
2 tablespoons red wine vinegar
1 tablespoon freshly squeezed orange juice
1/4 teaspoon freshly ground black pepper
1/2 cup halved and thinly sliced radishes
1/3 cup finely chopped fresh parsley
1/3 cup thinly sliced scallions
1/4 cup loosely packed, coarsely chopped black olives
1 cup small-dice cucumber

heat a medium frying pan over medium heat. add millet and toast, stirring frequently, until lightly browned and aromatic, about 7 minutes. stir in water and 1/2 teaspoon of the salt and bring to a vigorous simmer. cover, reduce heat to low, and cook until millet is tender, about 20 minutes. remove from heat and let sit covered for 5 minutes, then let it cool uncovered.
meanwhile, place olive oil, vinegar, orange juice, orange zest, pepper, and remaining 1 teaspoon salt in a large bowl and whisk to combine. add remaining ingredients and stir to coat. add cooled millet and stir to thoroughly combine. let sit at least 5 – 10 minutes before serving.

Салата со модри патлиџани, наут, печени пиперки, сирење и маслинки


1 голем модар патлиџан
1 шоља наут, стоен преку ноќ во вода, варен пола саат и исцеден, или
1 конзерва наут, исцеден
2 црвени пиперки, печени, излупени и исчистени од семки (јас имав вакви замрзнати, ама
можете да употребите и пиперки од тегла)
бело сирење
црни маслинки
оригано
сол
бибер
балсамик оцет
маслиново масло
соја сос
2 лукчиња, истолчени

Модриот патлиџан исечете го по должина на тенки кришки, околу 5 мм дебели. намачкајте ги кришките со малку маслиново масло од двете страни, наредете ги во тавче во еден слој и печете ги во рерна 10тина минути, додека не омекнат во средината и не почнат да се заруменуваат. потоа наредете ги во тањир.

помешајте ги оцетот, соја сосот, лукчето, ориганото, солта и биберот и потоа, цело време мешајќи, полека сипете го маслиновото масло.

ставете ги наутот, исечените пиперки, сирењето исечено или здробено и маслинките во еден сад и прелијте ги со “dressing”-от и сето тоа истурете го врз модрите патлиџани.