All posts in “beets”

Beetroot hummus | Sitno seckano

Хумус од цвекло / Beetroot hummus

решив да го почнам месецов со рецепт, ама не ми успеа. после кратка пауза од пишување рецепти се најдов пред дилема кој следен рецепт да го објавам, кој ден во неделата е најпогоден за тоа и слично, па поминуваа денови, мене ми беше сѐ потешко да најдам време да седнам на компјутер и паузата прилично се продолжи. затоа, да не одлагам повеќе, еве еден краток рецепт, брзо се прави и брзо јаде, а е толку вкусен, особено со чипсот, па пробајте да не ја изедете целата количина одеднаш.

Continue Reading…

Manouri cheese roasted beets quiche | Sitno seckano

Киш со цвекло, ореви и сирење манури / Beet, walnut and manouri cheese quiche

печено цвекло во салата со марула, рукола или млад спанаќ, сирење и јатки или семки и суви брусници, со прелив од маслиново, оцет балсамик и сируп од калинка е нешто неверојатно. овој киш е со слични вкусови, особено интересен поради сирењето манури кое совршено се вклопува со карамелизираниот кромид, печеното цвекло и оревите.

Continue Reading…

Root vegetables salad | Sitno seckano

Салата од коренести зеленчуци / Root vegetable salad

мојата омилена зимска салата. изрендани свежи коренести зеленчуци, најчесто цвекло и моркови, а овој пат и една малку лута бела зимска трупка и една слатка каракушка. понекогаш, во зависност од тоа што имаме дома, ставам и целер, пашканат, кисело јаболко, праз, зелка, црна трупка, дајкон…

Continue Reading…

Колач со пулпа од сок / Juice pulp bread

се надевам не сум досадна повторно со рецепт во кој се искористува пулпата останата од правење сок во соковник. ако често правите сокови, сигурно ќе ви се најде еден ваков рецепт. ако не правите, можеби е време да почнете :-). а секако можете да ги замените двете шољи пулпа со рендани јаболка и тиквици, како во оригиналниот рецепт.

Continue Reading…

Ќофтиња од цвекло и јачмен / Beet barley burgers

веќе имаме рецепт за ќофтиња од цвекло, направени со пулпата што останува кога правите сок. овие ќофтиња се различни. во нив цвеклото е печено, а се исто така вкусни како другите.

Continue Reading…

Плескавици од цвекло, морков и леќа / Beet carrot lentil burgers

по бургерите од грав и наут, ја продолжуваме серијата вегетаријански бургери со овие од леќа, моркови и цвекло. ова е уште еден вкусен начин да се искористи пулпата која останува по цедењето сок, ама ако немате соковник, во бургерите ставете рендани цвекло и морков.

Continue Reading…

Сок од сладок компир и цвекло / Sweet potato beet juice

ако имате соковник, сигурно знаете колку е убаво да се пијат свежо исцедени сокови од овошје и зеленчук. ние поретко цедиме зеленчук, најчесто пиеме сокови од грејпфрут, јаболки, портокали, мандарини, ананас, лимон, крушки, праски, јагоди… од зеленчуците во скоро секоја тура ставаме моркови и цвекло, понекогаш парче свеж ѓумбир, ама во последно време почнавме да додаваме и сладок компир. сокот со сладок компир е многу вкусен и несомнено многу здрав. пробајте. измешајте го со други зеленчуци и овошја и кажете ни која е вашата омилена комбинација.

Continue Reading…

Мафалета / Muffaletta

сендвичот мафалета не е единствената работа поради која би одела во њу орлеанс.

додека чекам да се створи прилика да отидам таму и да го пробам сендвичов во ресторанот во кој е измислен, решив да го направам дома. одличен е за носење на излет, ако одите некаде следниве денови.

Continue Reading…

Полнети листови блитва / Swiss chard wraps

има денови кога навистина не ми се готви, а ми се јаде нешто интересно. за нешто вакво, како овие полнети листови блитва, само прочачкајте што имате по фрижидерот.

Continue Reading…

Салата со печено цвекло и анасон / Baked beetroot and fennel salad

весела пролетна салата. печеното цвекло е многу, многу вкусно, а ако не сте пробале анасон до сега, не се мислете многу. има интересен, свеж вкус, малку како сладок кромид, малку како… анасон.

Continue Reading…

Свинско со праз и цвекло со праз / Pork with leeks and beets with leeks

многу праз на едно место, ама јас сакам праз и никогаш не ми е многу. a oсобено сакам вакви едноставни рецепти со малку состојки во кои нивниот вкус доаѓа до израз.

Continue Reading…

Цвекло на пареа / Steamed beetroot

еве нé пак со рецепт на пареа. јадењата зготвени на пареа баш ни се свиѓаат, лососот ни е хит, неколку пати го правев и секогаш беше многу добар, ама постојано барам и нови идеи за готвење на пареа. идејата за ова јадење ја добив од книгата successful steam cooking, целата посветена на рецепти за готвење на пареа. има тука некои школки, ракчиња, карфиоли, крушки и сливи кои ме викаат да ги пробам. ама прво, еве како да го зготвите цвеклото:

излупете и исечете на крупни парчиња неколку цвекла и помешајте ги со неколку суви гранчиња чубрица. ставете ги во сад со дупчиња (јас ги ставив во метална цедалка), па врз тенџере со вода (цвеклото не треба да ја допира водата), поклопете со капак и оставете ја водата да зоврие, а потоа на тивко оставете го цвеклото да се готви на пареа уште 30тина минути.

потоа истурете го цвеклото во садот во кој ќе го послужите, веднаш додека е топло помешајте го со парче путер и додадете му ливчиња рукола. јас заборавив да ставам сол, ама вака беше многу убаво. сол не му ни требаше, вкусот на цвеклото сам беше доволен. го јадевме со свински бут без коска мариниран во црвено вино и сенф и со млади компири.