All posts in “cheese”

Manouri cheese with dates in tangerine syrup | Sitno seckano

Сирење манури со урми во сируп од мандарина / Manouri cheese with dates in tangerine syrup

сирењето манури е одлично во салати, со марула, спанаќ или рукола, со печено цвекло и јатки… ама бидејќи е несолено, добро оди со овошје за десерт. сега го направив со урми, на лето ќе го пробаме со свежо овошје, праски, сливи, смокви.

Continue Reading…

Manouri cheese roasted beets quiche | Sitno seckano

Киш со цвекло, ореви и сирење манури / Beet, walnut and manouri cheese quiche

печено цвекло во салата со марула, рукола или млад спанаќ, сирење и јатки или семки и суви брусници, со прелив од маслиново, оцет балсамик и сируп од калинка е нешто неверојатно. овој киш е со слични вкусови, особено интересен поради сирењето манури кое совршено се вклопува со карамелизираниот кромид, печеното цвекло и оревите.

Continue Reading…

Cheese apple lettuce sandwich | Sitnoseckano

Сендвич со салата и јаболко / Apple lettuce sandwich

и сирење и рукола и суви домати и калинка и мед… само немаше место за сето тоа во насловот. изгледа како нафрлани работи, ама заедно си одговараат многу добро и сендвичот е ептен вкусен.

Continue Reading…

Quick pizza dough | Sitno seckano

Брзо тесто за пица / Quick pizza dough

кога последен пат зборевме за пица, ви реков дека имам рецепт за одлично брзо тесто. ваква пица најчесто правам во денови кога ќе дојдам од работа, а немам ништо смислено за ручек, ниту имам време. тестово се прави за неколку минути, нема месење, стои додека ги подготвувате другите состојки, лесно се развлекува и веднаш можете да ја печете пицата.

Continue Reading…

Тарт со бри и јаболко / Brie apple tart

лесно можете да направите тарт само од тесто и јаболка и несомнено ќе биде многу вкусен, без оглед дали ќе го зачините со цимет, каранфилче или ѓумбир (или сите три) и ќе го засладите со бел или кафеав шеќер или мед. таквиот тарт си е во ред. ама кога под редот јаболка ќе наредите кришки сирење бри, е тогаш ќе добиете нешто друго. јас овој тарт со јаболка и бри би го јадела и за доручек.

Continue Reading…

Пица со праз / Leeks pizza

се залетав и купив голем врзоп праз, со повеќе од дваесет праза. добро што дома сакаме да го јадеме, а и многу е здрав, па веќе јадевме салати со свеж, ситно исецкан праз и маслинки, испржен со ориз, со шпагети и маскарпоне и во некоја форма на пита/галета/тарт. денешниот рецепт е една од тие варијанти, направена со тесто за пица.

Continue Reading…

Тарт со синап и домати / Tomato mustard seed tart

сте ги пробале ли сосовите на мирана? кој е вашиот омилен? мене на прво место ми е синап. го ставам во сендвичи, помешан со мед, врз пилешко, пред да го печам, во преливи за салата, во ќофтиња… а еве уште една вкусна идеја како да го употребите.

Сирења / Cheese platter

веќе поминаа десетина дена откако се вративме од холандија каде што бевме на гости кај маја, џипу и гавин, а јас дури сега седнувам да напишам нешто. изгледа ми требаше време да се одморам од патот, шетањата и интересните јадења.

Continue Reading…

Печен бел модар патлиџан / Roasted white eggplant

мајка ми ги нашла овие бели модри патлиџани на пазар и ги купила да ги пробаме. не знаев што е најпогодно да се зготви со нив, па неколку дена стоеја во кујна, додека не почнаа да се сушат. си реков дека е подобро да зготвам било што отколку да ги оставам да пропаднат и првото што го направив со еден од нив беше да го испечам на кришки со многу заатр. излезе многу вкусно, особено со печените патлиџани, сирење и балсамик крема (или кремаст балзамик). кремастиот балзамик е едноставно згуснат балзамик оцет и има поконцентриран вкус. јас го донесов од холандија, ама сум видела и тука по големите продавници. инаку во јадењево може да се употреби и обичен балзамик оцет.

Continue Reading…

Салата со наут и заатр / Chickpea za’atar salad

уште една салата. иако денеска времето залади, сепак мене ми се јаде нешто лесно. оваа салата може да биде доволна за ручек, особено ако се стави и варената пченица, која јас ја изоставив, или некоја друга житарица, јачмен, на пример. може да се додаде краставица, пиперка, пржени печурки… јас сакам салати со варен наут, тој одлично оди и со цвекло и со рукола… ама оваа салата е посебна заради мешавината од зачини, заатр.

Continue Reading…

Наполнето лепче / Stuffed bread

ако сé уште имате варени јајца од велигден, еве идеја како да ги искористите на вкусен начин. секако, лепчето може да се наполни и со друг фил, како сте расположени.

Continue Reading…

Пинерлии / Cheese rolls

за мене зборот пинерлија (или пењрлија) значи благо, колаче направено од гриз и младо несолено сирење, какво што правеше баба ми. за даниел пинерлија е солено, лепче полнето со сирење, како што јадел во детството. ова овде се солените пинерлии по рецепт на лана од la cuisine creative. многу се вкусни и меки и одлични за доручек со јогурт или кисело млеко. а некој ден ќе пробам да го направам и колачето.

Continue Reading…