All posts in “cocoa”

Marble cake | Sitno seckano

Шарен колач / Marble cake


некако, не знам како, поминале 10 години откако го почнавме овој блог. дури не ни размисливме убаво што и како ќе правиме кога го почнавме. да се отвори блог беше лесно и еден ден во март 2009та сликавме една пита со овесни снегулки и мед, јас го напишав рецептот и блогот почна.

Marble cake | Sitno seckano

на почетокот не се грижевме многу за сликите, важно беше јадењето да е вкусно. наскоро даниел почна да ги фотографира јадењата онака како што заслужуваат, па и блогот се разубави. еден период сликавме и објавував рецепти (а и маја исто) многу често, сé што вредеше да се покаже. па дојде период кога имам многу малку време да му посветам на блогот и решив тоа да се рецепти кои ми е многу важно да останат запишани, ама не само во мојата стара тетратка, како погачата со сирење.

такво е и ова колаче. мајка ми и баба ми го имаат направено безброј пати додека бев дете. подоцна јас го употребив рецептот како основа за колач со тиква или со слатко од портокали. еве го оригиналниот рецепт, малку дотеран од моја страна затоа што ставам малку помалку шеќер, и користам кефир наместо млеко.

Marble cake | Sitno seckano

3 јајца
1¾ шоља шеќер
3 шољи брашно
1 шоља кефир (или млеко, јогурт)
1 шоља сончогледово масло
1 кесичка прашок за пециво (15 g)
1 кесичка ванилин шеќер (8 g)
⅓ шоља какао, за темниот дел

изматете ги сите состојки освен какаото. сипете половина од тестото во подмачкано тавче со димензии отприлика 17 х 30 cm.

во останатата половина додајте го какаото, изматете, па истурете ја темната смеса врз светлата. со нож или стапче промешајте само малку, да се направат шари и ставете го колачот да се пече во рерна загреана на 200°C. по 20 минути намалете ја температурата на 150°C и печете го колачот уште околу 25 минути, или додека не е целосно испечено во средината (проверете со дрвена чепкалка).

ако површината почне да загорува, а внатре сé уште не е испечен, покријте го лабаво со хартија за печење или фолија. мојов колач е прилично темен заради какаото кое го употребив.

Marble cake | Sitno seckano


Moist chocolate banana muffins | Sitno seckano

Чоколадни мафини со банана / Chocolate banana muffins

во една недела два пати ги направив овие мафини, не само затоа што имавме многу ептен зрели банани. првата тура отиде за два дена, а излегуваат 16. мафиниве се најмеки што можат да бидат, сочни, чоколадни, и со нив се трошат оние презреани банани кои не се баш веќе вкусни за јадење.

Continue Reading…

Chocolate mug cake & peach crumble | Sitno seckano

Благо во шоља / Mug cakes

не знам за вас, ама кај нас дома понекогаш е паника за благо. затоа рецепти за вакви десерти, кои се прават за неколку минути, е добро да се имаат при рака.

Continue Reading…

Brownie walnut pie | Sitno seckano

Брауни пита / Brownie pie

брауни пита ми е во план за правење со месеци. јадевме една купечка на минатиот роденден на мартин и од тогаш ја чекам да дојде на ред. многу е вкусна, реакцијата на сите што ја пробаа уште на првиот залак беше “ммммммм”.

Continue Reading…

Moist chocolate cake | Sitno seckano

Едноставно чоколадно колаче / Simple chocolate cake

ова е едно од оние колачи кои лесно се прават во последен момент, кога ќе сфатите дека немате ништо благо, а гостите само што не дошле. или кога ви треба нешто чоколадно, за со кафето.

Continue Reading…

chocolate pumpkin bundt cake | sitno seckano

Мирислив чоколаден куглоф со тиква / Spicy chocolate pumpkin bundt cake

нашето новогодишно колаче. иако јас го направив со кинеска мешавина од пет зачини (анис, анасон, црн бибер, цимет и ѓумбир), можете да ставите и некои други кои одат добро со тиква: каранфилче, пимент, мускатно оревче, кардамом, ванила…

Continue Reading…

fruit and nuts energy bites / sitno seckano

Енергетски бомбици / Energy bites

пред некое време почнав да ги правам овие топчиња за секое качување на планина и секогаш се добро примени. ги правам колку залче, и таман се, ме живнуваат, ама не само на планина или после трчање, туку и после работа или во било кое друго време кога ми фали малку енергија.

Continue Reading…

chocolate zucchini muffins / sitno seckano

Киш и мафини за Преплет / Quiche and muffins for Preplet

ми претставува особено задоволство да ви раскажам за преплет. ако не сте чуле за нив, веднаш разгледајте го нивниот сајт, ќе најдете многу интересни работи дизајнирани од викторија и магдалена. тие ни предложија соработка на нивниот последен каталог и јас бев пресреќна дека ќе можам да зготвам нешто за нив, а даниел сето тоа да го фотографира. и, еве ги рецептите за кишовите и мафините кои се најдоа на страниците на каталогот, покрај штосните предмети со откачени пораки.

Continue Reading…

Макаронс / Macarons

овие слатки мали лапни-голтни колачиња важат за тешки за правење. и точно е, може да не излезат мазни и подигнати, ама тоа не е причина да не пробате да ги направите. а и да распукаат по површината, секако ќе бидат вкусни.

Continue Reading…

Purple Sweet Potato Brownies / Sitno Seckano

Браунис со виолетов сладок компир / Purple sweet potato brownies

сте пробале ли сладок компир? мене многу ми се допаѓаат оние портокаловите испечени на коцки или стапчиња. ама кога видов дека кај нас има и виолетови, морав да ги пробам и нив. имаат речиси ист вкус како портокаловите, па можат да се користат во исти рецепти, и солени и благи.

Continue Reading…

Чај од какао / Cocoa tea

еве што имаме за вас денес: чај од какао. ако до сега не сте чуле за вакво нешто, треба да знаете дека чајот од какао е најновата кул ствар во светот, иако онаму каде што се одгледува какао, го пиеле отсекогаш.

Continue Reading…

Чоколадно колаче со тиквици / Chocolate zucchini cake

после питата со тиквици воопшто не ми е чудно кога ќе видам тиквици во благ рецепт. ова чоколадно колаче со тиквици е феноменално, ептен чоколадно, а сочно од тиквиците.

Continue Reading…