ова е моето омилено индиско јадење. често го правам затоа што од време на време ми текнува на вкусот и многу ми се јаде баш тоа. има малку повеќе работа во подготовката, ама се исплати. понекогаш не наоѓам кокосово млеко по продавниците, па ставам хопла, ама и така е многу вкусно.
рецептот од овде.

за двајца гладни

2 компира, исечени на коцки
1 лажичка сол
3/4 лажичка турмерик (куркума)
2 пилешки бели меса, без коски и кожа, исечени на парчиња
1 кромид, исечен на тенки кришки
6 зелени кардамомчиња
2 стапчиња цимет
2 каранфилчиња (ама јас обично ставам повеќе)
3/4 лажичка црвен пипер
3/4 лажичка гарам масала
2 шољи кокосово млеко или хопла

1. ви требаат две тавчиња за ова јадење, едно за пржење и едно за печење. прво испржете ги коцките компир во малку зејтин со солта и турмерикот малку да се заруменат. не мора да се целосно зготвени. префрлете ги во тавчето за печење.

2. во тавчето за пржење ставете го кардамомот и испржете го кратко, па додадете го пилешкото и пржете го колку да се зарумени. префрлете ги во тавчето за печење.

3. испржете го кромидот со другите зачини. ако треба додадете зејтин. префрлете ги во тавчето за печење.

не е страшно ако месото или зачините се залепат за тавчето за пржење. во следниот чекор ќе се одлепат.

4. во тавчето за пржење ставете го кокосовото млеко и мешајте додека не зоврие. до тогаш сите залепени зачини ќе се растворат во него. сипете го и него во тавчето за печење, ставете му капак или алуминиумска фолија и печете го во загреана рерна на 180°C околу еден саат. потоа може да го печете уште 10тина минути без капак ако сакате да се згусне. јадете го со басмати ориз сварен во 1,5 пати повеќе вода во поклопено тенџере, на тивко, додека не ја упие целата вода.

this is my favourite indian dish that i make often, because i crave it often.

recipe from here.

for two hungry people

2 potatoes, cubed
1 teaspoon salt
3/4 teaspoon ground turmeric
2 boneless skinless chicken breasts, cut into serving pieces
1 onion, sliced in thin wedges
6 green cardamom pods
2 medium cinnamon sticks
2 cloves
3/4 teaspoon cayenne pepper
3/4 teaspoon garam masala
3/4 teaspoon fenugreek
2 cups coconut milk (or cream, if there isn’t any coconut milk in the shops)

1. you’ll need two pans for this dish, one for frying and one for baking.heat oil in a large frying pan and fry the potato cubes with the turmeric and salt until golden. transfer to the baking pan.

2. fry the cardamom and the chicken pieces. add oil if necessery. transfer to the baking pan.

3. fry the onion with the spices. don’t worry if the spices stick to the pan. transfer to the baking pan.

4. pour the coconut milk in the frying pan and bring to a boil, stirring. the spices will melt in the milk. transfer to the frying pan. cover and bake in 180°C oven for 60 minutes. bake uncovered 10 minutes more if you want to thicken the sauce. serve with basmati rice boiled with 1,5 times more water in a covered saucepan on low heat until the rice absorbes all the water.

Print Friendly, PDF & Email
previous post: Колач на пареа / Steamed pudding
next post: Песто од магдонос или ‘имам енергија за само 5 минути во кујна’

2 Comments

  1. Може некакво инфо за тоа дали и каде може да се набават некои од состојките? Поточно кардамон, тумерик, гарам масала (или мора дома да се прави?).

  2. Зачините можат да се најдат во продавниците за здрава храна или на Зелено пазарче на една тезга за зачини во близина на тезгите со јајца, а многу од нив (кардамом, турмерик/куркума, коријандер, кумин…) повремено ги има и во големите маркети.
    Гарам масала сé уште не сум видела негде да се продава, ама може лесно да се направи.

Leave a Reply