маја има еден турски готвач кој е останат кај мене, и во него има еден куп интересни вистински турски рецепти. за жал, јас во последно време многу повеќе готвам по рецепти од разни блогови на интернет, а сé поретко ги отварам готвачите кои ги имам дома. е, за оваа чорба на која наидов овде, го отворив турскиот готвач за споредба и ги искомбинирав двата рецепта.

scroll down for the recipe in english

чорбава е вкусна, лесна и освежителна, по малку киселка.

 

2 шољи јогурт

2 шољи вода

1 јајце

3 лажици брашно

3 лажици ориз

3 лажици путер

суво или свежо нане

малку црвен пипер

сол

ставете го оризот во тенџере со 1 шоља вода и варете го додека не е скоро целосно сварен. тргнете го тенџерето од шпорет, додадете ги втората шоља вода, јогуртот, јајцето и брашното и изматете сé заедно со вилушка или маталка. не ставајте сол сé уште за јогуртот да не се згрутчи.

вратете го тенџерето на средно загреана рингла и мешајте постојано со дрвена лажица додека супата не почне да врие. важно е да се меша постојано за јогуртот да не се одвои. откако ќе зоврие, намалете ја малку температурата и варете ја супата уште десетина минути со повремено мешање. пробајте го оризот. ако е целосно сварен може да ја тргнете супата од шпорет и да додадете сол, по вкус.

во мало тенџерче или тавче стопете го путерот. кога ќе почне да чврчи тргнете го од шпорет и додадете го црвениот пипер и сувото нане, ако користите суво. промешајте и истурете го врз чорбата. послужете ја чорбата веднаш, со или без леб.

наместо путер, може да употребите маслиново масло и откако ќе го промешате со црвен пипер да го понудите секој сам да си стави во својата чинија супа. за ова маслиновото масло е подобро, затоа што путерот се стврднува со ладењето.

чорбава е убава и ладна, само во фрижидер прилично се згуснува.

 

maja has a turkish cookbook that she left with me and i love flipping through it. although lately i’ve been mostly cooking recipes from the blogs i read, for this soup i combined the recipe from here and from “the famous turkish cookery”.

this soup is light and refreshing.

 

2 cups plain yogurt

2 cups water

1 egg

3 tablespoons all-purpose flour

3 tablespoons medium grain rice

3 tablespoons butter

finely crushed dried mint or a few leaves fresh mint

pinch of paprika

salt, to taste

in a medium saucepan, put the rice with 1 cup water. cook the rice until almost cooked. take the pan of the heat, add the yogurt, the second cup water, egg and flour. do not season the soup with salt at this point or the yogurt will curdle while cooking. whisk until smooth.

turn the heat to medium, and cook, stirring constantly (very important, to prevent the yogurt from curdling) with a wooden spoon in a circular motion, until the mixture comes to a boil. continue to cook, this time, stirring frequently for 10 more monutes. taste the rice. if it is tender, you can remove the soup from the heat and season with salt.

heat the butter in a small frying pan. when it begins to sizzle, remove the pan from the heat and add the paprika and dried mint, if using. stir well and pour the mixture into the soup. serve immediately, with or without bread.

use olive oil instead of butter if you want to let everyone serve themselves with it. the butter solidifies while cooling, so olive oil is more convenient.

this soup is nice cold too, it just thickens in the fridge.

Print Friendly, PDF & Email
previous post: Мохито со јагоди / Strawberry mojito
next post: Тортички со кока-кола / Coca-cola cupcakes

Leave a Reply