Лазања / Lasagna

 

scroll down for the recipe in english

ова е вегетаријанска лазања, само со зеленчуци. јас не ги варам листовите лазања, ама правам голема количина бешамел сос, покрај сосот од зеленчук.

бешамел сос:
50 gr путер
3 неполни лажици брашно
скоро литар топло млеко
малку мелено морско оревче
сол

загрејте го путерот во тенџере на средно, кога ќе се стопи ставете го брашното и промешајте, па сипувајте по малку од загреаното млекото со постојано мешање за да не се направат грутки од брашното. кога ќе го употребите целото млеко, оставете го сосот уште малку на шпорет, да се згусне, со мешање, па додадете му сол и морско оревче. 

сос од зеленчук:
кога правам сос за лазања употребувам што ќе најдам во фрижидерот и не ги мерам состојките. некогаш правам сос од мелено месо, кромид, лукче, пиперки, патлиџани, печурки, тиквици, моркови… овој пат сосот е од кромид, печурки, пиперки, моркови и лукче. го пржам прво кромидот, па ги додавам останатите работи една по една, и сол и бибер.

во тавче со димензии од отприлика 30 x 18 cm прво ставете 1/3 од сосот од зеленчук, па 1/4 бешамел, па наредете еден ред листови лазања (во вакво тавче обично одат околу 10-11 листа, кај што треба ставете и помали искршени парчиња), пак 1/3 зеленчук, 1/4 бешамел, листови лазања и уште еднаш сето тоа. врз последниот ред тестенини сипете ја последната четвртина бешамел, па посипете со реднан пармезан и/или рендан кашкавал.

печете ја лазањата на 200°C околу пола саат, или додека тестенините не се омекнати, а кашкавалот стопен и заруменет.

this is a vegetarian lasagna. sometimes i make a filling with ground meat and tomatoes, but this time i made it meatless. i don’t boil the pasta first, but i make a large pot of  bechamel sauce.

bechamel sauce:
50 gr butter
3 tablespoons flour
almost 1 l warm milk
a pinch of nutmeg
salt

 

heat butter in a large pot, put flour and stir, then pour a little of the milk, and mix with the flour. continue pouring a little of the milk at a time and stirr to avoid forminf lumps. when all the milk is used let the sauce thicken a little on low heat, while stirring, then add the nutmeg and salt. 

vegetable filling: 
i sauted the onion first and then added peppers, mushrooms, carrots and garlic, salt and black pepper.

take a pan aproximatelly 30 x 18 cm. put 1/3 of the vegetables on the bottom, then 1/4 of the bechamel and lasagne noodles in a single layer (it usually takes 10-11 lasagne noodles for a pan like this, you can put broken pieces where needed), again 1/3 of the vegetables, 1/4 of the bechamel, lasagne noodles and again all that. cover the last layer with the last of the bechamel, sprinkle with grated parmesan and/or grated chedar cheese and bake at 200°C for 30-40 minutes, or until the lasagne noodles are tender and cheese on top is melted and lightly browned.

Колачиња од овес и суво грозје ….. Oatmeal raisin cookies


scroll down for the recipe in English.

Не го читајте насловов на рецептов. Звучи досадно, суво, некако бла… Само одете веднаш во кујна и направете ги колачињава. И покрај досадното име, овие прекрасни колачиња сосема ќе ве изненадат и наскоро ќе се најдете на работа … или на гости … неспособни да се фокусирате и сосема опседнати со колачињава и со желбата да имате барем уште едно.

Рецептов е лесен и се прави за 5 мин. ама многу е важно да го следите чекорот со ставање на тестото во фрижидер за да добиете убави, дебели колачиња. Рецептот е адаптиран од Smitten Kitchen.

За ~ 15 колачиња:
пола пакување путер (125 гр.)
2/3 чаша светло кафеав шеќер (користете чаша од 250 мл. или измерете 130 гр./ светло кафеав шеќер има од Виталиа)
1 јајце
1 ванила шеќер
3/4 чаша брашно (95 гр.)
пола лажиче прашак за пециво
пола лажиче цимет
една ронка сол
1 и пол чаша овесни снегулки (135 гр., ги има во сите супермаркети)
3/4 чаша суво грозје
Во длабока посуда измешајте ги омекнатиот путер, шеќерот, јајцето и ванилата. Јас не користев миксер и ги измешав со маталка. Додајте ги брашното, пецивото, циметот и солта и измешајте. Додајте ги овесните снегулки и сувото грозје. Ставете ја целата посуда во фрижидер околу 10 минути. Загрејте ја рерната на 180 Ц степени. Покријте го тавчето во кое ќе ги печете колачите со хартија за печење (јас немав па употребив фолија премачкана со зејтин). Намокрете ги рацете за да не ви се лепи тестото и со раце обликувајте го во форма на топчиња, големина како орев или малку поголеми и ставете ги на тавчето со 3-4 сантиметри помеѓу нив. Колачињата ќе се стопат и рашират и затоа е многу важно да оставите доволно простор помеѓу нив. Ставете ги да се печат во загреана рерна но внимателно пазете ги. Ќе им треба само околу 10 – 12 минути да се изпечат. Извадете ги од рерната веднаш штом ќе почнат да стануваат заруменети иако сеуште ќе изгледаат меки и непечени. Оставете ги на тавчето околу 5 – 10 минути да се стврднат и потоа со шпатула префрлете ги на чинија. Од овој рецепт јас добив 15 колачиња. Нема да верувате колку се вкусни !


The recipe for these insanely delicious cookies was adapted from Smitten Kitchen.
For ~ 15 cookies:
1 stick butter (125 gr)
2/3 cup light brown sugar
1 egg
1 teaspoon vanilla extract (or 1 packet vanilla sugar)
3/4 cup flour
half teaspoon cinnamon
half teaspoon baking powder
pinch of salt
1 1/2 cup rolled oats
3/4 cup raisins
Cream the sugar, the softened butter, egg and vanilla. (I used a whisk and not a mixer). Add the flour, cinnamon, baking powder, salt and mix. Add the oats and raisins and put the entire bowl in the fridge for 5 – 10 min. Line your baking tray with parchment paper or greased foil wet your hands with water and shape the dough in balls the size of walnuts. Space the dough balls about 3-4 centimeters apart on the baking tray and bake in a preheated oven at 180 C degrees for about 10 – 12 minutes. Keep a close eye on them since they will bake quickly and take them out as soon as they start getting golden brown, even though they will still look soft and a bit unbaked. Leave them on the baking tray for 5 – 10 min and then move them to a plate once they have become more solid and cooled down. You won’t believe how tasty they are !

Перничиња со компири / Potato pillows

scroll down for the recipe in english

рецепт од овде

2 големи компира, сварени, излупени и смачкани
12 кори исечени на половина по должина
1 лажиче мелен кумин
1/2 лажиче црвен пипер
1/4 лажиче гарам масала
сол по вкус

зејтин за пржење

малку вода

измешајте ги смачканите компири со зачините.
ставете по една лажичка од смесата на почетокот од секоја лента кора и завиткајте ја кората во перниче. намачкајте го крајот со четка со малку вода за да се залепи. замотаните перничиња чувајте ги под влажна крпа за да не се пресушат.
загрејте малку зејтин и испржете ги перничињата во еден слој, од двете страни, па исцедете ги од зејтинот на кујнска хартија.

2 large potatoes, boiled, peeled and mashed
12 large spring rolls wrappers, cut in half to make 24 strips
1 teaspoon ground cumin
1/2 teaspoon red chilli powder
1/4 teaspoon garam masala
salt, to taste
light cooking oil, for frying
water, as needed

mix mashed potatoes with salt and spices, and set aside to cool.

put about a teaspoon of the potato filling on a cut-in-half spring-roll wrapper. fold it up to form a tiny parcel. seal the edges with water. set aside on a platter covered with a damp cloth to keep them from drying out. repeat for remaining strips.

heat oil in a non-stick frying pan and shallow-fry parcels a few at a time so as not to crowd the pan. remove parcels when they turn crisp and golden on both sides. drain excess oil by placing parcels on paper towels

Тиква на пареа / Steamed pumpkin

scroll down for the recipe in english

од досегашното готвење на пареа цвекло, круши, аспарагус  и други работи видов дека готвењето на пареа им прави добро на овошјето и зеленчукот: им го интензивира вкусот. ме интересираше што ќе и направи на тиквата и не ме разочара. освен што и ја засили портокаловата боја, и вкусот не заостана.
и овој, како и претходните рецепти на пареа, е во соработка со electrolux.

со тиква, на есен често правам мафини, колач или пита и обично ја динстав за да добијам пире. отсега ќе ја правам на пареа, повкусна е и не треба да се цеди, а има доволно влажност.
со пирето добиено од тиквата зготвена на пареа решив да направам сладолед според овој рецепт и мафини.
мафините беа добри како и секогаш, дури и подобри поради поинтензивниот вкус на тиквата, ама за сладоледот немам толку добро мислење.

пире од тиква:
тиквата исечете ја на парчиња и исчистете ја од семките. мојата не беше многу голема и јас ја исеков на 8. ставете ги парчињата во решеткаст сад, па во тенџере со вода што врие, и поклопете ја со капак. ако треба завиткајте го капакот со фолија за да не излегува пареа надвор.
после 10тина минути проверете со боцкање со вилушка дали е омекната. ако не е, оставете ја уште да се готви.
кога ќе омекне, извадете ги парчињата во чинија, почекајте да се оладат па тргнете им ја лушпата и изгмечете ги во пире.

сладолед од тиква:
1/2 шоља млеко ставете во тенџерче на тивко заедно со 1 лажичка нескафе, 1/2 шоља шеќер, 2 лажици мед, 1 лажичка цимет, 1/2 лажичка кардамом и 1 кесичка ванилин шеќер. мешајте додека сé не се растопи во млекото.
изматете една кесичка шлаг и во него измешајте ги млекото и 1 шоља пире од тиква.
сипете го сето тоа во пластична кутија и замрзнете го.

звучи како интересна комбинација, ама вкусот е некако прејак. и кафе и мед и цимет и кардамом. можеби би било поубаво со два шлага или само со цимет, само со кафе, само шеќер, без мед… треба да се проба.


from our previous steam cooking beetroots, pears, аsparagus and other things we concluded that steam does good to fruit and vegetables: it intensifies their flavour. i was curious what it will do to a pumpkin and i wasn’t disappointed.

i usually use pumpkin to make muffins, bread or pie and i usually cook it in a little water to make pumpkin puree, but after this i’ll always steam it.
with the steamed pumpkin puree i made ice cream after this recipe and muffins.
the muffins were good as always, even better because of the more intense pumpkin flavour. but i’m not sure about the ice cream.

pumpkin puree:
cut the pumpkin and remove the seeds. mine wasn’t too big and i cut it in 8 pieces. put the pumpkin pieces in a collander and over a pot of boiling water and cover tightly.
after 10 minutes check if the pumpkin is tender, if not, leave it to steam more.
when done, take the pieces on a plate, let cool, peel and mash.

pumpkin ice cream:
in a sauce pan combine 1/2 cup milk with 1 teaspoon instant coffee granules, 1/2 cup sugar, 2 tablespoons honey, 1 teaspoon cinnamon, 1/2 teaspoon cardamom and 1 sachet vanilla sugar. stir so sugar, honey and spices “melt” into milk. remove from heat and stir in 1 cup pumpkin puree and 200ml whipped cream. pour into a freezer container and freeze.


it sounds like an interesting combination, but i think it would be better if there is only coffie, or only cinnamon… i should try it some day.

Коцки со кокос / Coconut squares

овие коцки мајка ми одамна ги нема направено и затоа јас се нафатив.

за тестото:
3 јајца
15 лажици шеќер
15 лажици зејтин
13 лажици млеко
14 лажици брашно
1 кесичка ванилин шеќер
1 прашок за пециво

за преливот:
300 ml млеко
4 лажици шеќер
3 лажици какао

100 gr кокос за валкање

изматете ги сите состојки за тестото и испечето го во подмачкано тавче со пречник од 28 cm во загреана рерна на 200°C.
додека тестото се лади, стоплете го млекото за преливот со шеќерот и какаото, додека сè убаво не се растопи. исечете го тестото на коцки без да го вадите од тавчето и прелијте го со преливот. пазете во секој процеп да влезе од течноста.
оставете ги повторно да се оладат, а потоа вадете од тавчето коцка по коцка и валкајте ги во кокос.

my mother used to make these squares, but she didn’t make them for a long time, so i did.

for the dough:
3 eggs
15 tablespoons sugar
15 tablespoons vegetable oil
13 tablespoons milk
14 tablespoons flour
1 sachet vanilla sugar
1 sachet baking powder

for the liquid:
300 ml milk
4 tablespoons sugar
3 tablespoons cocoa

100 gr shreded coconut for rolling

whisk all the dough ingredients and bake the cake in a buttered 28 cm tin at 200°C.
while the cake is cooling, warm the milk with the sugar and cocoa until they melt. cut the cake in squares without taking it out of the pan and pour the milk over it. make sure it gets between every square.
let them cool, then roll every square in shredded coconut.

Кифлички / Dinner Rolls


во потрага сум по совршените кифлички, а овие по рецепт на ирена се прилично добри. само не го заменувајте путерот со маргарин, јас ги направив еднаш со путер и еднаш со маргарин, и разликата е огромна. и обавезно користете брашно тип 400 од жито лукс. со него излегуваат најмекички. а и треба добро да се измеси тестото.

3 1/4 шољи брашно тип 400
2 лажици шеќер
1 1/2 лажиче сол
3 лажици путер, омекнат
1 шоља топла вода
1 кесичка сув квасец

квасецот измешајте го со водата, а брашното во една вангла со солта и шеќерот, па сипете ја водата во брашното и замесете тесто. потоа, на неколку наврати додадете го путерот во тестото и измесете го убаво на побрашнета маса. оставете го тестото да нарасне еден саат на топло, а потоа поделете го на два дела и од секој дел исукајте тенки (колку потенко, толку подобро) кори, а од секоја исечете по 8 триаголници и направете по 8 кифлички, т.е. ирена рече 8, мене ми излегоа повеќе. веројатно триаголниците ги сечам помали отколку што треба. наредете ги кифличките на плех врз хартија за печење, намачкајте ги со изматена жолчка, а потоа посипете ги со сусам, ленено семе, ким, мак или сол.
ставете го плехот во млака рерна повторно да стасаат еден саат, па испечете ги на 170°C, околу 15-20 минути. многу се вкусни, меки и бели.

i’m trying to find the perfect recipe for dinner rolls, and this one from my friend irena is pretty good. just don’t supstitute the butter with shortening and use the best bread flour. also, knead the dough well.

3 1/4 cups bread flour
2 tablespoons sugar
1 1/2 teaspoon salt
3 tablespoons butter, at room temperature
1 cup warm water
1 1/2 tsp dry yeast

mix the yeast in the water. combine the flour with sugar and salt, then pour the water and make a dough. add the butter one tablespoon at a time and knead the dough. leave to rise in a warm place for an hour. cut the dough in two and roll each piece as thin as possible. cut 8 triangles from each piece and make rolls. arrange rolls on a baking sheet, brush with eggyolk and sprinkle with sesame seeds, flax seeds, caraway seeds, poppy seeds or salt.
put the baking sheet in a lukewarm oven and leave the rolls to rise again for an hour, then bake them at 170°C, around 15-20 minutes. they are very soft and white.

Тарт со сливи и франџипани фил / Plum frangipane tart

scroll down for the recipe in english

рецепт прилагоден од овде.

за тестото:
2 шољи брашно
5 лажици шеќер
1/4 лажиче сол
170 gr маргарин
1 јајце
1 жолчка

за филот:
110 gr путер, на собна температура
1/2 шоља шеќер
1 кесичка ванилин шеќер
2 јајца
1/2 шоља брашно
60 gr мелени бадеми
8 сливи (или кајсии, праски, јаболки, крушки…), исечени на кришки

прво направете го тестото. измешајте го брашното со шеќерот и солта, додадете го маргаринот и измешајте го со брашното, прво со вилушка, па со прсти, да се добијат трошки. ставете ги јајцето и жолчката и измешајте, прво со вилушка, па со раце, да добиете тесто. оформете го тестото во топка и ставете го во фрижидер додека го правите филот.

за франџипани филот изматете го путерот со шеќерот и ванилата, додадете ги јајцата, изматете, па брашното и бадемите, изматете.

топката тесто исечете ја на кришки, па натапкајте го тестото на дното и страните од тавче со пречник од 28 cm (јас искористив тавче од 24 cm и тестото излезе малку подебело отколку што треба). истурете го филот врз тестото и порамнете го, па наредете ги сливите.

печете го тартот во загреана рерна на 180°C околу 40 минути, или додека филот не стане испечен и стврднат.

recipe from here.

for the crust:
2 cups flour
5 tablespoons sugar
1/4 teaspoon salt
170 gr butter
1 egg
1 egg yolk

for the filling:
110 gr butter, at room temperature
1/2 cup sugar
1 sachet vanilla sugar
2 eggs
1/2 cup all-purpose flour
60 gr finely ground almonds
8 plums, or other fruit (apples, pears, peaches…), cut in thin slices

first, prepare the crust. mix the flour, sugar and salt and add the butter until the butter is starting to get well incorporated. add the egg and egg yolk and mix until a dough is formed. chill the dough while you make the filling.

to make the frangipane filling, beat the butter, sugar and vanilla together with an electric mixer until light. beat in the eggs, followed by the flour and almonds. beat until light.

cut the dougn in 1 cm thick slices and press them on the bottom and sides of a 28 cm tart pan (i used a 24 cm tart pan and the crust was a little thick). spread the filling. arrange the plum slices.

bake at 180°C for 40 minutes or so, until the filling in the middle of the tart is fully cooked.

Галети со сливи и гарам масала / Garam masala-spiced plum galettes

scroll down for the recipe in english

сега кога ја имате својата гарам масала, пробајте ги овие галети со сливи. многу лесни за правење, а неверојатно вкусни. рецептот е од тука. толку се вкусни што за две недели два пати ги направив и сега планирам кога пак. првиот пат купив од оние крупни округли сливи кои се црвени внатре, со многу мала семка. бојата многу ми се свиѓа, па и вториот пат купив исти такви сливи, ама сигурна сум дека галетите ќе бидат совршени и со обични модри сливи.

за 4-5 галети:
8-12 сливи, исечени на парчиња колку залак

2 лажици шеќер
сок од еден лимон
1 лажица брашно
1 лажица нишесте
500 gr замрзнато лиснато тесто, одмрзнато (мене “трио” ми е поубаво од “полар”, некако послатко и помеко, и почнав постојано да го имам во замрзивач, се наоѓа)
1 лажичка гарам масала
4-5 огноотпорни садови со пречник од околу 12-15 cm, намачкани со малку маргарин

тестото поделете го на 4 или 5 делови и секој дел развлечете го во раце или на побрашнета маса со сукало да биде малку поголемо од садовите. ставете ги тестата во садовите, да го покриваат дното и страните. измешајте ги сливите со другите состојки и ставете ги подеднакво во садовите. ако негде виси некое вишок ќоше тесто, префрлете го преку филот. ставете ги галетите да се печат во загреана рерна на 180°C околу 35 минути, или додека тестото не се испече. јадете ги топли или ладни, секако се супер.

now that you have your own garam masala, try these sweet plum galettes. they are easy to make and unbelievably tasty. i found the recipe here. i made them with pluots because i like the colour of their red flesh..

for 4-5 galettes:
juice of 1 lemon
2 tablespoons sugar
1 teaspoon garam masala

8-12 plums, cut in bite-size pieces

1 tablespoon flour
1 tablespoon cornstarch
500 gr frozen puff pastry, thawed

4-5 oven-proof dishes, 12-15 cm in diameter, buttered

devide the pastry in 4 or 5 parts and roll each a little wider than the dishes. mix the plums with the rest of the ingredients. put the pastry in the dishes, to cover the bottom and the sides. put the plum mixture over the pastry and cover with any excess pastry. bake in a preheated oven at 180°C around 35 minutes, or until the pastry has puffed, turned golden and the fruit has softened and candied slightly on top. serve warm or cold, they are great anyway.

Крушки на пареа со сладолед од анасон, карамелизирани ореви и батерскоч сос / Steamed pears with fennel ice cream, caramelized walnuts and butterscotch sauce

Scroll down for the recipe in English

време е за рецепт на пареа. насловот е навистина долг, ама подготовката на сето тоа навистина брза и лесна. овој пат решивме да направиме овошје на пареа. идејата ми дојде од готвачот на еlectrolux, successful steam cooking. само јас отидов и подалеку: ги искомбинирав крушките со сладолед од анасон, карамелизирани ореви и батерскоч сос и сите вкусови убаво се вклопија.
на крушките не им додадов ништо додека се готвеа на пареа, а нивниот сопствен вкус стана многу поинтензивен. ама да почнам од сладоледот, прво него треба да го направите, неколку саата или еден ден пред да ги послужувате крушките.

сладолед од анасон
сладоледов е ненормално вкусен. до скоро не ни знаев дека може да се направи сладолед од анасон, а сега ми е омилен вкус на сладолед за ова лето. откако ги направив мафините со урда и анасон и видов дека анасонот е уствари вкусен во благи работи, сладоледов ми дојде како логично продолжение. наидов на повеќе рецепти за сладолед од анасон, ама сепак го направив сладоледот според мојот рецепт и му додадов анасон.

2 лажички анасон, малку истолчен
1 шлаг
2 јајца
3 лажици шеќер
150 ml ладно млеко

анасонот ставете го во 50 ml млеко, зовријте го млекото, тргнете го од шпорет и оставете го покриено 30 минути. за тоа време шлагот изматете го со 100 ml ладно млеко во една вангла. во друга изматете 2 белки, додајте 3 лажици шеќер и двете жолчки, а потоа и шлагот. на крај додадете го и млекото исцедено од зрнцата анасон.
сладоледот ставете го во пластична кутија и во замрзнувач.

карамелизирани ореви
ги додадов за да дадат малку крцкавост на целата комбинација.
ставете 1/3 шоља шеќер во едно поголемо тенџере и ставете го тенџерето на среден оган, шеќерот да се стопи, без мешање. кога целиот шеќер ќе се стопи, посипете го со малку цимет и додадете 100 gr исчистени ореви, искршени на крупни парчиња. промешајте убаво, сите ореви да се прекријат со карамел и тргнете го тенџерето од шпорет. истурете ги оревите на послужавник или големо тавче, раздвојте ги, и почекајте да се стврднат. претпоставувам дека добра идеја би било да се истурат на алуминиумска фолија или целофан, за полесно да се одлепуваат. можете да ги чувате во тегла недела – две.

батерскоч сос
4 лажици путер
1/2 шоља темно кафеав шеќер
1/2 шоља хопла
1/4 лажиче сол
1 кесичка ванилин шеќер

стопете го путерот на среден оган, додадете го кафеавиот шеќер, промешајте убаво, додајте ја хоплата, малку сол и ванилата. мешајте околу 5 минути, па пробајте. ако сакате може да додадете уште сол.
овој сос има многу интересен вкус. сличен на овие бомбони. можете да го чувате 2 недели во тегла во фрижидер. во фрижидер се стврднува, ако сакате да биде течен ставете ја теглата за кратко во топла вода.

крушки на пареа
дојдовме и до крушките. земете зрели, но цврсти крушки и само излупете ги, исечете ги на половина, извадете им ги семките и ставете ги 5-6 минути на решетка врз вода што врие (со капак), или додека малку не омекнат.

потоа ставете по две половинки крушка во секое тањирче (употребете некои подлабоки тањирчиња, јас згрешив со плитките, моравме да го бркаме сладоледот наоколу). посипете ги крушките со карамелизирани ореви, ставете по една топка сладолед од страна и сето тоа прелијте го со батерскоч сосот. милина.

i know the title is long, but everything is so easy to make. the idea for the steamed pears came from the еlectrolux’s cookbook successful steam cooking, but i added a few things: fennel ice cream, caramelized walnuts and butterscotch sauce and everything came together nicely.
i steamed the pears without any added sugar or spices and their own flavour intensified. but, let’s start with the ice cream, since that’s what you need to make first, a few hours or a day before you serve the pears.

fennel ice cream
this ice cream is so unusual and so sweet and tasty. until recentrly i didn’t even know about fennel ice cream but know it’s my favourite flavour for ice cream this summer. when i made the ricotta and fennel muffins i really liked the sweetness that fennel adds so i wanted to try this ice cream. i found a few recipes for fennel ice cream, but i decided to use my ice cream recipe, since it’s very good and very adaptable.

2 teaspoons fennel seeds, crushed
1 cup cream
2 eggs
3 tablespoonssugar
150 ml cold milk

put the fennel in a small saucepan with 50 ml milk, bring to boil. remove from the heat, cover, and let steep for about 30 minutes. beat the cream in one bowl, in another beat the two eggwhites, add sugar, eggyolks, cream and the milk strained from the fennel seeds. put the ice cream in a plastic box and in the freezer for a few hours.

caramelized walnuts
these add some crispness to the whole combination.
put 1/3 cup sugar in a heavy saucepan on a medium heat, let the sugar melt, without stirring, then add a pinch of cinnamon and 100 gr walnuts. stirr, making sure every piece of walnut is covered in caramel then pour them on a cookie sheet. devide the pieces with a fork. the caramelized walnuts can be kept in a jar for a couple of weeks.

butterscoth sauce
4 tablespoons butter
1/2 cup dark brown sugar
1/2 cup cream
1/4 teaspoon salt
1 sachet vanilla sugar

melt butter on a medium heat, add brown sugar, stirr, add cream, salt and vanilla. cook stirring for 5 minutes, then taste carefully (not to burn your tongue) and add more salt if needed.
this sauce can be kept in a jar in the fridge for a couple of weeks. it will harden when cold, so put the jar in a bowl of hot water to melt it.

steamed peаrs
and finally, the pears. take ripe, but firm pears. peel them, cut in half, scoop the seeds and put them on a grid over boiling water, cover and steam for 5-6 minutes, or until they soften a little.

put two pear halves on a plate (don’t use flat plates like i did, you don’t want to chase the ice cream around), put some caramelized walnuts over the pears, a scoop of fennel ice cream beside them and drizzle some butterscoth sauce over everything. take a bit, close your eyes and enjoy.

Гоанско кари со риба со гарам масала ……. Goan Fish Curry with garam masala

Scroll down for the recipe in English

Хмм, пред неколку дена го видовте рецептот за гарам масала, ја направивте и сега ви седи во тегла и не знаете што да правите со неа?? Нема проблем. Еве го едно од моите омилени домашни индиски јадења. Рецептот за ова Гоанско кари со риба доаѓа повторно од мојот индиски готвач од Анџум Ананд “Anjum’s New Indian”. Јадењево е прекрасно и е совршено и за ручек во работен ден (ако ја следите мојата идеја подолу) или за импресионирање гости.

Првиот дел од рецептов ќе ви одземе околу половина час – ама верувајте ми – сосема вреди. Толку време ќе ви треба да ја направите кари пастата, на која потоа ќе и додадете кокосово млеко, вода и риба за да го завршите јадењето. Бидејќи јас, а сигурно и вие, немам време секој пат одново да стојам пола саат пред шпорет, еве што правам: го дуплирам или триплирам рецептот, кари пастата ја ладам и потоа ја делам на 2 или 3 еднакви дела, во зависност дали сум го дуплирала или триплирала рецептот. Од едниот дел го готвам карито за тој оброк, а другите делови ги замрзнувам во пластични кутии. Следниот пат кога планирам да имаме кари, вадам еден дел кари паста, ја ставам во тенџере уште замрзната, или ако добро сум планирала, одмрзната, и веднаш продолжувам со рецептот со додавање вода и кокосово млеко. Ако ја следите мојата идеја ќе имате кари со риба во рок од 15 минути.

И на крај уште нешто, јас користам замрзнати филети од панга риба и замрзнати ги ставам во каритo. За неколку минути тие се одмрзнуваат и готват. Рецептов можете да го направите со било која замрзната риба: тилапиа, панга, скуша, лосос. (Ако не јадете риба – пробајте со пилешко).


Вака изгледа кари смесата дури се пржи.

За една доза (за 4 порции) – (дуплирајте или триплирајте за замрзнување):

2 лажици зејтин
1 кромид, средна големина, ситно исецкан
малку цимет

1 лажиче мелен ким
1 лажиче мелен кориандер
пола лажиче турмерик (куркума)
2 лажичиња гарам масала

7 лукчиња
парче свеж ѓумбир, околу 3 см големина (или заменете со 1 лажиче ѓумбир во прав)
1 – 2 љути пиперки
3 големи домати

1 конзерва кокосово млеко
пола килo – 750 r. риба (јас користам замрзнати филети)
сол

Вака изгледа оладената кари паста.
Загрејте го зејтинот во тенџере и додајте го кромидот да се пржи на средна температура околу 5 минути. Додајте ги зачините во прав и пржете 2-3 минути. Во мал блендер изблендирајте ги лукчињата, ѓумбирот, љутите пиперки и 50 мл. вода. Додајте ја оваа смеса во тенџерето и гответе ја смесата околу 5 – 7 минути на тивко, додека зејтинот не се оддели од смесата. Додајте ги ситно исецканите или изблендирани домати и 100 мл. вода. Гответе ја смесата додека водата комплетно не исчезне и зејтинот не почне да се одделува. Мешајте често.
Ако сте ја зголемиле дозата и планирате да замрзнете дел, тука оставете ја зготвената смеса да се олади и потоа замрзнете дел. Ако не замрзнувате, продолжете веднаш со следниот чекор.
Додајте го кокосовото млеко во тенџерето + чаша вода и на тивко гответе го карито околу 5 мин. Додајте ја рибата и гответе ја уште 5 минути ако користите свежа или одмрзната риба, или 10 минути ако додадете директно замрзната риба. Јас рибата ја додавам во големи филети. Кога рибата ќе биде зготвена лесно ќе се распаѓа, па ако додадете големи парчиња, ќе избегнете карито да ви се направи каша. Додајте сол по вкус и служете го карито со сварен басмати ориз, и обарен зеленчук, како на пример грашок.
Моето кари испадна потечно и повеќето од сосот е на дното со оризот.
Goan fish curry with garam masala
So, you read the post about homemade garam masala, made some, put it in a jar and the jar is now staring at you, you wondering what to do with it?? No worries. Here is one of my favorite dishes with garam masala: a delightful goan fish curry, which is impressive enough for guests, but if you follow my idea, equally easy and fantastic on a week night. I adapted the recipe from Anjum Anand’s “Anjum’s New Indian”.
The first part of the recipe – the making of the curry paste will take you about half an hour. This is totally worth it. However, I, like you, am very busy and I don’t always have the time to spend 30 minutes standing in front of the stove. So, this is what I do. I double or triple the recipe every time I make it. I then cool it, divide it and freeze the parts in a tupperware bowl. Then when I want to have curry, I take the paste and either defrost it, or I dump it in a pot frozen, heat it up quickly and continue with the rest of the recipe. This will give you a fantastic fish curry in about 15 minutes.
One amount serves 4
For one amount (double or triple this amount to freeze):
2 tablespoons vegetable oil
1 medium onion
a pinch of cinnamon
1 teaspoon ground cumin
1 teaspoon ground coriander
1/2 teaspoon turmeric
2 teaspoons garam masala
3 large tomatoes (or a can of tomatoes – 14 oz. or 400 ml.)
1 inch piece of fresh ginger (or substitute 1 teaspoon ground ginger)
7 garlic cloves
1 can coconut milk (400 ml or 14 oz.)
a pound of fish (half a kilo) – I use frozen pangasius fillets, but you can use tilapia, salmon or any other filleted fish
salt to taste
Heat the oil in a pot and add the chopped onion. Cook for 5 minutes on medium heat. Add the ground spices and fry for 2-3 minutes. Blend the garlic, ginger and 50 ml. water (1/4 cup). Add this mixture to the pot and cook for about 5-7 min, until the oil starts to come out. Add the finely chopped tomatoes (or you could blend them), or the can of chopped tomatoes + 100 ml. water (1/2 cup). Cook the paste until the it reduces completely and the oil comes out of it again (see the second photo above).
If you have doubled or tripled the recipe, this is where you should let your curry paste cool down and then divide it and freeze what you need. If you are not freezing anything, continue with the step below.
Add the coconut milk and 250 ml (1 cup) water and cook for 5 minutes. Add the fish and cook 5 minutes for fresh or thawed fish, or 10 minutes for frozen fish. I add frozen fillets straight into the curry. They cook easily and the fillets break up in smaller piece once they are cooked.
Serve the curry over white or basmati rice and a steamed vegetable such as peas.

Домашно песто / Homemade pesto

одамна ја имам оваа алатка за сецкање тревки што се вика мезалуна и пред сто години го имам букмаркирано овој рецепт за правење песто како што го прават италијанските баби, а и секоја година садам босилок на тераса, ама дури сега се наканив да направам песто. мислев дека е страшно тешко, сецкањето, ама не е. ок, има доста сецкање, и не мора да имате мезалуна, може да употребите и голем остар нож, ама целиот напор се исплати. домашното песто има појак и посвеж вкус од купечкото.

ви треба:
купче свеж босилок, само ливчињата, колку се помлади, толку подобро
3 лукчиња
шака пињоли (јас ставив цела кесичка од оние што се продаваат во веро)
3/4 шоља свежо изрендан пармезан
неколку лажици маслиново масло

почнете со сецкање на лукчето со 1/3 од босилокот, па постепено додавајте босилок и сецкајте, потоа додадете пола од пињолите, сецкајте, па останатите пињоли, уште сецкајте, додајте пола од пармезанот, сецкајте, па останатиот пармезан, уште сецкајте додека сé не стане ептен ситно исецкано и убаво измешано.

ставете го пестото во тегличка и покријте го со неколку лажици маслиново масло. пестото може да стои во фрижидер недела – две, ама најубаво е првите денови.

i have this mezzaluna for ages and i bookmarked this recipe for making pesto like an italian grandmother a hundred years ago and although i grow my own basil, i haven’t made pesto till now. i thought it would be very hard, but it isn’t. there is a lot of chopping but it’s worth it, homemade pesto is much more flavourful.

you’ll need:

a large bunch of fresh basil, leaves only
3 cloves of garlic
one handful of raw pine nuts
3/4 cup parmesan, loosely packed and freshly grated
a few tablespoons of extra-virgin olive oil

start by chopping the garlic with 1/3 of the basil, add more basil, chop, add half of the pine nuts, chop, the rest of the pine nuts, chop, add half of the parmesan, chop, add the rest of the parmesan and chop until everything is finelly minced.
put the pesto in a jar and cover with a few tablespoons of extra-virgin olive oil. you can keep the pesto in the fridge for a couple of weeks, but it’s best in the first few days.

Домашна гарам масала …… Homemade garam masala

scroll down for the recipe in English

Гарам масала е еден од моите омилени зачини. Не…. Гарама масала е мојот омилен зачин. Оваа мешавина на неколку зачини, која се користи традиционално во индиски јадења, е совршен спој на мирис, љутина, и се разбира цимет. Проблемот со гарам масала, како и со многу други состојки, е што во Скопје не може да се најде така лесно, а и оние пакетчиња што се наоѓаат, не се ништо посебно.

Но всушност гарам масалата е неверојатно лесно да си ја направите сами дома, и во исто време да ја прилагодите на сопствениот вкус. Мојот рецепт за гарам масала доаѓа од готвачот на Анџум Ананд “Anjum’s New Indian” од кој ќе добиете количина која ќе ви трае долго време и ќе можете да ја користите во безброј јадења, не само индиски. Најважно од се, не грижете се ако ги немате сите состојки од рецептот. Анџум вели дека во Индија секое семејство има сопствен рецепт, па слободно адаптирајте ја својата мешавина на она што може да го најдете. И на крај, користете или веќе смелени зачини, или смелете ги во мелница за кафе или во мал блендер (или со толчник ако имате трпение и енергија). Освен во супермаркети, зачини има кај една девојка на зелено пазарче и во продавницата за здрава храна во Бисер.

Еве дел од моите зачини. Ги купив во големо пакување и ми траат повеќе од 1 година.
Ќе ви треба:
2 -3 лажички кориандер
3-4 ловорови листа
7 кардамом зрна (или 1 лажиче мелен кардамом)
1 лажиче црн бибер (ако имате во зрна – уште подобро – оти свежо смелениот бибер е подобар во рецептов)
2 лажичиња кумин
1-2 лажичиња цимет (јас многу сакам цимет па ставам 2, ако не сте толку по циметот, намалете ја количината)
5-7 каранфилчиња (ќе треба да ги смелете или истолчите)
1 чиста тегла (големина околу 200 – 250 гр.)

Измелете ги зачините кои не се мелени и измешајте ги сите состјки. Чувајте ја гарам масалата во чиста тегла, на темно (не на отворена полица) за вкусот да остане свеж подолго. Ќе ви трае со месеци. Оваа мешавина на гарам масала нема чили зачин, ама вкусот сепак ќе биде малку љут, поради големата количина црн бибер.
Освен во индиски јадења, јас ја користам мојата во супи, посебно крем супи од морков, тиква или карфиол, во манџа леќа – ова е фантастично, во домашен сос од домати – кога не сакам типично италијански сос. Со гарам масалата исто така и мачкам месо, како пилешко или свинско за повеќе вкус, пред да го печам или пржам. Експериментирајте и оставете ни коментар ако имате нова идеја. Оваа гарам масала ќе ви го промени животот.
А за неколку дена доаѓа рецептот за Гоанско кари со риба со гарам масала !!

Garam masala is my favorite spice ever. This recipe for homemade garam masala is amazing: fragrant, mildy spicy and delicious in so many dishes, not only Indian. The recipe comes from Anjum Anand’s book “Anjum’s New Indian”. Feel free to adapt it with what’s available to you, as I have done. Besides in Indian food, I use it to flavour thick soups, such as carrot, pumpkin or cauliflower soup; in lentil stew – which is amazing; in tomato sauce when I don’t need a traditionally Italian sauce, and for rubbing chicken or pork before roasting or sauteeing. This garam masala will change your life.
You will need:
2 teaspoons coriander (seeds or ground)
2 teaspoons cumin (seeds or ground)
4 bay leaves
7 cardamom pods (or 1 teaspoon ground cardamom)
1-2 teaspoons cinnamon (I add 2 because I love cinnamon)
1 teaspoon black pepper (peppercorns are better as the flavour they give is fresher)
5 cloves
Grind the spices which are whole in a spice or coffee grinder or small blender. Mix them all and store in a clean jar, in a dark place. It will last for months.
Coming next week … Goan fish curry with garam masala!