Чоколадна торта / Chocolate cake

ова е најдобрата чоколадна торта што некогаш сум ја пробала. мајка ми го има доведено рецептот до совршенство.

фил:
200 ml вода
200 g шеќер
100 g какао
250 g путер, омекнат
250 g шеќер во прав
8 жолчки

тесто:
8 белки
200 g шеќер, или малку помалку
4 лажици презла
3 лажици брашно

прво направете го чоколадото: во мало тенџерче измешајте ги 200та грама шеќер и какаото од филот, ставете ги на шпорет на средно и постепено, со мешање додадете ја водата, па мешајте сето тоа малку да се згусне и шеќерот да се растопи. тргнете го на страна да се олади.

за филот: изматете го путерот со шеќерот во прав, додадете ги жолчките, изматете, па додадете го и чоколадото, оладено.

за тестото: измешајте ги сите состојки за тестото и додадете им 4 лажици од филот. тестото се пече во најголемиот плех од шпоретот, подмачкан со зејтин и побрашнет, или на хартија за печење, која не е лошо дополнително малку да ја намачкате со зејтин. на почетокот се пече на 200°C, 20тина минути, а потоа на 160° уште 5-10 минути, зависи од шпоретот, проверете од време на време.

кога тестото ќе се подолади исечете го на 3 ленти, по должина или по ширина, во зависност дали сакате потесна подолга или поширока пократка торта. првото тесто намачкајте го со фил, а добро е ова да го правите на тањирот на кој ќе ја послужите, врз него ставете го второто тесто, намачкајте го со фил, па третото и сега премачкајте ја целата торта со филот, и од горе и од страните.

можете да ја оставите тортата така, само премачкана со фил од сите страни, а можете и да ја украсите вака како што ја украсив јас за два родендена.


првата ја посипав со плави мрвици (море) и истолчени бисквити (песок) и ја наредив со чоколадни школки атлантис, а втората ја посипав со зелени мрвици (трева) и на неа наредив пајаци и црви од желе и чоколадо (имам модли во форма на пајак и црв и некои слични ствари).

 

Јадење и шетање во Португалија, дел 2 …… Portugal eats & sights, part 2

>Еве го вториот дел од јадењето и шетањето во Португалија. Синтра е мало гратче околу 40 мин. со воз од Лисабон, и се наоѓа во националниот парк Синтра. Иако возејќи се во возот од Лисабон не се забележува некоја граница помеѓу големиот град и паркот, кога ќе стигнете во Синтра ќе видите дека ова е сосема различно место. Стариот дел на градот е распослан по ридови и мали тесни улички. Во Синтра има 5 палати и едно кале изградено од Мурите – дефинитивно необично за големината на гратчето, изградени во времето кога Португалија изобилувала со богатство и водела во истражувачки походи по светот.

Но освен палатите, Синтра воодушевува со погледите. Каде и да се свртите гледата зеленило, шума, сонце и по некоја раскошна палата. За мене Синтра беше едно од најубавите места кое сум го видела на светот. Ова е погледот од градината на нашата гостинска куќа. Во далечина се гледа Националната Палата на Пена – Palacio Nacional da Pena.

Калето на Мурите – Castelo dos Mouros. Ова е еден од погледите кои ги гледате кога шетате низ центарот на стара Синтра.

Во Синтра имаат две традиционални печени десерти/ погачици. Ова горе се вика Queijada, има сладко цврсто тесто и благ фил од мелени бадеми.
А ова е Travesseiros – и значи голема перница – тесто е лесно како пердув, слатко и полно со многу вкус фил од тиква. Мммммм, ова беше прекрасно.
Поглед на Синтра од Мурското Кале. Белата палата во центарот на Синтра се вика Национална Палата на Синтра – Palacio Nacional de Sintra.
Национална Палата на Пена. Кулите се розови, виолетови и жолти, а навечер е осветлена и се гледа од далеку.
Повторно Националната Палата на Пена.
Назад во Лисабон, се разбира бевме во супермаркет. Делот за риба и морска храна одземаше четвртина од маркетот. Ова е познатиот португалски бакалар сушен во сол. Ова е еден од најпопуларните состојки во португалската храна. Во сите ресторани и пекари има нешто со бакалар во сол. Пред да се готви, ја мијат солта, но според мене, јадењата со бакалар сепак беа малку посолени од обично. Ние јадевме солен бакалар печен во рерна со бешамел сос ама заборавивме да го сликаме за жал.
Од солениот бакалар ги прават и овие пржени ќофтиња кои беа многу вкусни и се продаваат насекаде.
Ова беше ручекот кој го јадевме во еден огромен трговски центар – плескавица со сос од печурки, помфрит и лимонада.
И на крај уште едно португалско благо, со фил од тиква и шербет.

Храна и уживање во Португалија, прв дел ……. Portugal eats and more, part 1

>Oтидовме во Португалија на одмор и видовме и јадевме прекрасни нешта. Португалија сосема не изнади, јас очекував дека ќе биде убаво ама не очекував дека ќе биде поубаво дури и од Барселона, а дефинитивно многу поубаво, порелаксирачки и попријатно од Копенхаген. Бевме во Лисабон и во Синтра – мало гратче во близина на Лисабон кое се наоѓа на планина и во националниот парк Синтра (слики од Синтра во вториот дел наскоро). Бевме и во Кaшкаиш (Cascais) – мало гратче на море.

Еве дел од што јадевме и видовме:

Свежи сардини на скара. Вкусот беше супер, поделикатен од сардини во конзерва, но имаа многу многу коски. Сардини на скара имаше во секој ресторан за 5 -6 евра со помфрит и салата.

Seabream на скара. Рибава беше супер вкусна и свежа, со многу малку коски и со сочно бело месо.

 

Еве го плоштадот Dom Pedro IV или попознат како Росио. Скоро сите прошетки во Лисабон почнуваат, завршуваат или проаѓаат низ плоштадов. Навечер фонтаните, црквите и палатите беа прекрасно осветлени.
Поглед од плоштадот Росио. Лисабон е распослан на многу мали и поголеми ридови и од многу различни места има убави погледи на градот и реката.
Ова беше нашето омилено португалско јадење. Се вика Катаплана и е манџа од ракчиња, школки (clams), домати, пиперки, кромид, компири и свеж кориандер (како компир манџа за луѓе кои живеат покрај море). Морската храна беше толку свежа и вкусна, а сепак толку едноставна, не можевме да одолееме да јадеме катаплана двапати. Катапланата ја служеа во посебен сад од бакар. Ќе се обидам да го направам јадењево дома наскоро.
Фотографија горе и долу е од уште едно фантастично португалско јадење, манџа од ориз, морска храна, домати, кромид и свеж кориандер. Во тенџерчево дури имаше и нога од краба. Беше апсолутно дивно.

Поглед на Лисабон од Калето – Castelo de Sao Jorge.

Манастирот на калуѓери од редот на Св. Џеронимо во Белем – Mosteiro dos Jeronimos.
Излог на пекара во Лисабон. Пекари имаа насекаде, и продаваа не само печени нешта, туку и свежи сокови, кафе и зготвена храна како мало ресторанче. Ова е најпознатиот десерт во Лисабон, се вика Pasteis da Nata и е мало колаченце со подлога од благо лиснато тесто и фил од крем од јајца (custard tart). Овие беа неверојатни и јас мислам дека јадев едно од овие секој ден. Посебно убави со малку цимет одозгора.
Излогот на пекарата од внатре. Имаа неверојатен избор на благи тестенца, колачи и лиснати.
Pasteis da Nata од близу.

Една од плажите во Кашкаиш. Кашкаиш беше мало шармантно гратче со мали убави плажи и стари куќи во разни пастелни бои. Тука јадевме риба на скара, ама заборавивме да ја сликаме.

Останатите слики и јадења во следниот дел….

Колачи со урми / Date cakes

инспирација за колачиве од тука.

еве едни здрави и вкусни колачи кои лесно се прават, ама не можете да ги јадете без да се измачкате со чоколадо, што, секако, е дел од уживањето.

една шака урми, исецкани на коцкички
1 кесичка прашок за пециво
140 gr брашно
30 gr кафеав шеќер
1 лажица маџун (гроздов шеќер)
1 јајце
30 gr омекнат путер
140 ml топла вода

за чоколадниот прелив:
40 gr путер
40 gr шеќер
40 gr чоколадо
70 ml хопла

помешајте ги сите состојки за колачите, смесата сипете ја во 12 чашки за мафини и испечете ги колачите околу 15 минути во рерна загреана на 200°C.

за преливот, стопете ги сите состојки за преливот на тивок оган, со постојано мешање, оставете преливот малку да се олади, па сипете го преку колачите.

inspiration from here.

these are healthy and tasty cupcakes, very easy to make, but you can’t eat them without getting chocolate on your nose, which is part of the pleasure, anyway.

a handfull of chopped dates
1 sachet baking powder
140g plain flour
30g muscovado sugar
1 tablespoon grape molasses
1 egg
30g melted butter
140ml hot water

for the chocolate topping:
40g butter
40g caster sugar
40g plain chocolate
70ml double cream

mix all the ingredients for the cupcakes. divide the mixture between 12 cupcake papers and bake around 15 minutes at 200°C.

melt all the chocolate topping ingredients in a saucepan. remove from the heat and let the sauce cool until it thickens. then pour on top of each cupcake.

Пржени лепчиња со тиквици и печурки / French toast with zucchini and mushrooms

ова е нешто што го смислив еден ден кога ми се јадеа пржени лепчиња, ама сакав да бидат посебни.

исечете го лебот на кришки, а тиквиците и свежи печурки на ливчиња (не мора многу тенки, 2-3mm). во длабок тањир изматете едно јајце со 1-2 лажици вода и малку сол. потопете ги кришките леб во јајцето од едната страна, на другата страна наредете тиквици или печурки, или и двете, полека превртете го лепчето и потопете ја во јајцето и таа страна, па ставете ги да се пржат во загреан зејтин. за превртување и пренесување од јајцето до тавчето може добро да послужи широка рамна решеткаста лажица.

this is something i came up with one day when i wanted to make french toast, but i wanted it to be different.

slice the bread, the zuccini and the fresh mushrooms. whisk an egg in a deep dish with 1-2 tablespoons water and a pinch of salt. dip one side of the bread in the egg, arrange ziccini or mushrooms on the other side of the bread, then using a turner flip the bread slice and dip in the egg again. fry the slices in heated oil on both sides.

Готвачот оди кај… / The cookbook goes to…

со помош на random.org го избравме кирев за добитник на electrolux готвачот со рецепти на пареа. честитаме, кирев, и пиши ни ја адресата за да ти го испратиме.

Американски блондиес ……….. Blondies

Мммм, американски рецепти за десерти … мислам дека знаете дека ми се омилени. А знам дека сте чуле, јаделе и печеле брауниес (brownies). Меки, чоколадни, дивни … Ама пред неколку месеци го открив рецептов за блондиес (blondies) од сајтот на smitten kitchen. Слични на брауниес, но без какао или чоколадо (освен како додаток). А бидејќи и јас и Бојана сме плавуши, решив да ги испечам и да споделам со вас рецептот. (за жал преводот на колачиве на македонски не звучи баш примамливо, па го напишав како што се изговара на англиски).

Овие блондиес се прекрасни. Меки во средината, а малку крцкави на рабовите, тестото се меша во една посуда, брзо се пече и обавезно воодушевува и гости и домашни. Освен тоа, можете да додадете било каков вкус. Јас ставив лешници и парченца чоколадо и цимет, а други варијанти се ореви, бадеми, суви вишни (ова мора да го пробам), виски, рум, инстант кафе итн.

Блондиес (земете чаша/шоља од 250 мл. и користете ја за мерење на состојките)
пола пакување путер (125 гр.)
1 шоља шеќер (кафеав ако имате, ако не – бел)
2 јајца
пола пакетче ванилин шеќер
едно ронче сол
1 шоља брашно
+
1 шоља исецкано чоколадо
пола или цела шоља лешници
1/4 лажиче цимет
Стопете го путерот. Во голема посуда измешајте го путерот со шеќерот па додајте ги јајцата, ванилата, солта, циметот и на крај брашното. Измешајте убаво. Тестото ќе биде доста лепливо. Додајте ги чоколадото и лешниците.
Со зејтин намачкајте помало тавче (моето беше округло ~ 24cm.), ама правоаголно е најубаво за да може да се исече колачево на коцки. Загрејте ја рерната на 200 Ц степени. Истурете го тестото во тавчето и печете ги блондиес околу 20 мин. Многу е важно да не ги препечете. Мора да го извадите тавчето пред тестото да биде сосема суво и испечено, бидејќи кога ќе се оладат ќе бидат доста посуви. Најдобро е да не ги печете повеќе од 20 – 25 минути. Кога ќе бидат готови, оставете ги да се оладат во тавчете и потоа исечете ги на парчиња.
Рецептов можете многу лесно да го дуплирате, бидејќи со оваа доза ќе добиете доволно колачи за ~ 4 луѓе. Тогаш печете го поголемо тавче и пазете да не го препечете. Уживајте !
Made these fantastic blondies by a recipe from smitten kitchen. They are divine and so easy to make:
8 tablespoons butter, melted (~ 125 gr.)
1 cup brown sugar
2 eggs
1 teaspoon vanilla
pinch of salt
1 cup all-purpose flour
1 cup chocolate chips
1/2 or 1 cup hazelnuts
a pinch of cinnamon
Mix melted butter with sugar, beat in egg, vanilla, salt, cinnamon and then add flour. The dough will be quite sticky. Then add the chocolate chips and hazelnuts. Grease a pan (8 x 8), and preheat the oven to 350 F degrees. Pour the dough in the pan and bake for about 20 min. Be very careful not to overbake them as they will dry out when cooled. Don’t bake them for more than 25 min in any event. Cool in pan before cutting into squares. Enjoy !

Поклон на пареа / Steamed giveaway

ситно сецкано по трет пат има поклон за вас, овој пат заедно со electrolux. поклонот е овој готвач полн со рецепти на пареа. јас веќе почнав да правам некои работи од него, а ќе може и некој од вас ако оставите коментар на овој пост до понеделник, 19ти јули, до 19 часот, со одговор на прашањето “кое јадење зготвено на пареа би сакале да го видите на ситно сецкано?”

со среќа!

Цвекло на пареа / Steamed beetroot

еве нé пак со рецепт на пареа. јадењата зготвени на пареа баш ни се свиѓаат, лососот ни е хит, неколку пати го правев и секогаш беше многу добар, ама постојано барам и нови идеи за готвење на пареа. идејата за ова јадење ја добив од книгата successful steam cooking, целата посветена на рецепти за готвење на пареа. има тука некои школки, ракчиња, карфиоли, крушки и сливи кои ме викаат да ги пробам. ама прво, еве како да го зготвите цвеклото:

излупете и исечете на крупни парчиња неколку цвекла и помешајте ги со неколку суви гранчиња чубрица. ставете ги во сад со дупчиња (јас ги ставив во метална цедалка), па врз тенџере со вода (цвеклото не треба да ја допира водата), поклопете со капак и оставете ја водата да зоврие, а потоа на тивко оставете го цвеклото да се готви на пареа уште 30тина минути.

потоа истурете го цвеклото во садот во кој ќе го послужите, веднаш додека е топло помешајте го со парче путер и додадете му ливчиња рукола. јас заборавив да ставам сол, ама вака беше многу убаво. сол не му ни требаше, вкусот на цвеклото сам беше доволен. го јадевме со свински бут без коска мариниран во црвено вино и сенф и со млади компири.

Колаче со свежо овошје / Fresh fruit cake

 

еве едно лесно колаче со овошје. рецептот го начекав на design sponge, а е од една дизајнерка на текстил и илустраторка чија работа ми се допаѓа, лена корвин.

колачево ептен лесно се прави, а може да се стави и друго овошје, како јаболки, сливи, боровинки, што ќе ви се најде при рака. јас имав праски и капини.

1/4 путер
рендана кора од еден лимон
1 шоља брашно
2 јајца
3/4 шоља шеќер
1 лажица кафеав шеќер
1 кесичка ванилин шеќер
1 кесичка прашок за пециво
2 шољи сецкано овошје
1/4 лажичка цимет

изматете ги путерот и шеќерот, додадете ги кората од лимон, јајцата и ванилата, па брашното и прашокот за пециво. јас сите работи ги мешав со 2 вилушки. сипете го тестото во подмачкано тавче со пречник од околу 20 cm, наредете го овошјето врз тестото и посипете го овошјето со кафеавиот шеќер и циметот. печете го колачето на 180°C околу пола саат или додека тестото не се испече.
this is an easy fresh fruit cake i found on design sponge. it’s from  lena corwin, a textile designer and illustrator, whose work i admire.it’a a very easy cake to make and you can use different fruits, like peaches, nectarines, plums, and berries. i used peaches and blackberries.1/4 cup (1/2 stick) butter
grated zest of one lemon
1 cup flour
2 eggs
3/4 cup sugar
1 tablespoon brown sugar
1 teaspoon vanilla
1 1/2 teaspoon baking powder
2 cups diced fruit
1/4 teaspoon cinnamon

cream the butter and the sugar (i do this by hand using two forks). add the grated lemon zest. add the eggs, and vanilla, stirring each to combine. then add the flour and baking powder. pour the batter into a greased 8″ pan. top with the fruit. combine the brown sugar and cinnamon, and sprinkle the mixture on top of the fruit. bake for 30 minutes 180°C, or until the top is browned.

Домашно крцкаво мусли …… Homemade Granola


scroll down for the recipe in English

Ова е прекрасен и лесен рецепт за крцкаво мусли. Понекогаш е супер што во нашите супермаркети има се повеќе нови производи – посебно здрава храна. Ама некогаш е многу полесно, поефтино, повкусно и поздраво да си направите нешто сами дома. Така и ова крцкаво мусли – гранола. Гранолава ќе ви трае месец – два во чиста тегла на собна температура (дури и во лето) – ама толку е вкусна што најверојатно ќе ја изедете пред тоа. Еве што ќе ви треба:

2 чаши овесни снегулки (ги има во сите супермаркети; употребете чаша од 250 мл. за мерење на состојките)
1 чаша непечени бадеми, грубо исецкани (или лешници, ореви …)
1/2 чаша кокос
2 лажици мед
2 лажици зејтин (ама не маслиново масло)
6 лажици сок од јаболко
пола пакетче ванилин шеќер
1 шака суво грозје или сува брусница
1 лажица семки од тиква
1 лажица семки од сончоглед
1 лажица ленено семе

(семките од тиква и сончоглед и лененото семе не се неопходни, ако ги немате, слободно изоставете ги)

Во поголема посуда измешајте ги сите суви состојки. Теглата мед ставете ја во посуда со жешка вода за медот да стане потечен (ова ќе ви помогне да ја измешате смесата полесно, медот ќе се врати во нормална состојба кога ќе се олади). Додадете ги останатите состојки и измешајте убаво. Смесата ќе биде влажна ама не течна. Загрејте ја рерната на 150 С степени. Со хартиена салветка намачкајте малку зејтин во метално тавче и во тавчето истурете ја смесата. Слојот треба да биде околу сантиметар и пол или два. Ако е подебел гранолата нема да биде крцкава, ако е многу тенок може да изгори. Печете ја гранолата околу 25 минути, ама на неколку пати со лажица измешајте ја смесата додека се пече. Гранолата е готова кога ќе зарумени. Бадемите лесно горат па бидете внимателни да не ја препечете. Извадете ја од рерна и истурете ја на голем послужавник да се излади сосема пред да ја ставите во тегла или кутија. Јадете ја со овошен јогурт, со кисело млеко и јогурт, додајте ја на варени овесни снегулки за малку крцкавост и уживајте !
вака изгледа гранолата пред да се пече. Мојата рерна е многу мала па морав да ја печам на два пати / this is what the granola looks like before baking
Homemade crunchy granola
This is a fantastic recipe for a delicious granola you can eat in oats, with fruit yogurt or just as a snack.
2 cups rolled oats
1 cup roughly chopped almonds (or walnuts or hazelnuts)
1/2 cup unsweetened coconut
2 tablespoons honey (warm the jar a bit to make the honey more liquid)
2 tablespoons vegetable or canola oil
a bit of vanilla
6 tablespoons apple juice
a handful raisins or dry cranberries
Optional: 1 tablespoon each of pumpkin, sunflower and flax seeds
In a large bowl mix all of the dry ingredients. Add all of the wet ingredients and mix well. Spray a metal baking pan with a bit of oil and spread the granola mix on it. The layer of granola cannot be too thick or it will steam rather than crunch up. Bake in a preheated oven at 300 F degrees for about 25 min. Mix the granola couple of times while baking to avoid burning. Once baked, transfer to a large tray or another pan to cool completely before storing in a clean jar or plastic container at room temprature. It will be good for a month or two, but I bet it won’t last that long once you taste it. Enjoy with fruit yogurt, milk or sprinkled on oatmeal !

Крем супа од печурки / Cream of mushroom soup

500 gr свежи буковки
250 gr свежи шампињони
маслиново масло
1 l вода
сол, вегета, чубрица, рузмарин, бибер
1 кромид, ситно исецкан
3-4 лукчиња, ситно исецкани
павлака

загрејте го маслиновото масло на средно и пропржете го кромидот 5 минути, да омекне и да стане проѕирен. додадете ги лукчето и зачините и пуштете ја ринглата на најјако, па ставете ги сецканите печурки и пржете ги 10тина минути, со повремено мешање. сипете ја водата и оставете да се крчка околу 30 минути, а потоа изблендирајте ја супата.
послужете ја со лажиче павлака и гранче чубрица.

500 gr fresh oyster mushroom
250 gr fresh button mushrooms
olive oil
1 l water
salt, vegeta, winter savory, rosemary, black pepper
1 onion, finely diced
3-4 garlic cloves, finely diced
sour cream

heat the oil at medium temperature and saute the onion until soft and translucent, around 5 minutes. add garlic and the spices, turn the flame to high and add the mushrooms. cook for 10 minutes, stirring occasionally. add the water and let cook for 30 minutes, then blend the soup. serve with a teaspoon of sour cream and some winter savory.