All posts in “благо / sweet”

Колаче со сливи / Plum cake

еве го рецептот што ви го најавив вчера:

3 јајца
3 лажици вода
10 полни лажици шеќер
10 не толку полни лажици брашно
овошје
1-2 лажици презла
овој рецепт е од мајка ми. најчесто го правиме со вишни или јаболки, сега првпат ставам сливи, а може да се направи и со капини, црни или црвени рибизли… количината овошје треба да биде доволна да се прекрие дното на тавче 28, без да останат дупчиња. мене овојпат ми останаа дупчиња, немав доволно сливи да го прекријам целото тавче, некој ги изел.
тавчето се подмачкува со маргарин и се посипува со презла. потоа се става овошјето, па врз него се сипува тестото (јајцата, водата, брашното и шеќерот изматени со миксер). се пече во загреана рерна на 200-220°C, па после 15-20 минути се намалува на 175°C, додека тестото не се испече (проверете со боцкање чачкалица во средината).
кога ќе го извадите од рерна, оставете го неколку минути па потоа превртете го во друго малку поголемо тавче или тањир или послужавник.
ако го правите со јаболки, заедно со презлата сипете и цимет. а на вишните им треба малку шеќер, помешајте ги со 4-5 лажици пред да ги ставите во тавчето.

Plum cake
3 eggs
3 tbs water
10 full tbs sugar
10 not so full tbs flour
fruit (plums, apples, sour cherries, red or black currants… you need enough fruit to cover the bottom of 28 cm/12 inch pan)
1-2 tbs breadcrumbs
butter the pan and sprinkle with breadcrumbs. put the fruit on the bottom. combine the eggs, water, sugar and flour and pour over the fruit.
bake at 200-220°C/400-450°F for 15-20 minutes, then lower the temperature to 175°C/300°F and bake until the top is golden brown and a toothpick inserted in the senter comes out clean.
take out of the oven and let stand for a few minutes, then invert the cake on a bigger pan or serving plate or tray
if you use apples you can add cinnamon, and for sour cherries, mix them with 4-5 tbs sugar before putting them in the pan.

Peach Cobbler

Oд сите рецепти за десерти во светот, моите најомилени се сите американски. Не затоа што ретко кога не се исклучително вкусни (што не би било вкусно со цел путер и пола кило шеќер – ама ајде), туку затоа што се исклучително едноставни.
Oва е мојот втор, успешен обид со овошното колаче cobbler. Може да употребите скоро било кое овошје, боровинки, јагоди, праски, малини, или мешавина од овошја …
1 2/3 шољи брашно
3 1/2 лажици шеќер
1 лажица + пола лажиче прашок за печење
2 жолчки од варени јајца (јас ставив една бидејќи мразам варени јајца)
пола путер
2/3 шоља хопла
за овошјето:
6 праски – моите беа мешавина од зрели и полу-зрели
3 лажици јаворов сируп или мед, или шеќер
малку мушкатно оревче и малку цимет
Измешајте ги сите состојки за тестото, прво со вилушка па потоа со рака. Излупете ги праските. Јас ги полив моите праски со жешка вода, па потоа ги ставив во ладна неколку минути. Пола од праските лесно се излупија поради жешката вода, пола не.
Исечете ги праските на мали парчиња и измешајте ги со циметот, оревчето и сирупот. Од тестото направете 6 (или ако тавчето ви е поголемо – 8 ) топки и ставете ги врз овошјето. Намачкајте го тестото со една лажица хопла. Печете го во рерна загрена на 180 степени околу 40 – 45 минути. И јадете го со сладолед од ванила, или пудинг или шлаг.
Маја

Пандишпан со овошје и пудинг



пандишпан во парчиња (се продава во некои самопослуги во кеси од кило)
овошје (праски, банани, јагоди…)
1 пудинг
2-3 лажици некое слатко или мармалад

во некој стаклен сад или пластична кутија (идејата е садот да има вертикални и високи ѕидови) наредете парчиња од пандишпанот во еден слој, па сецканото овошје, па една лажица слатко, па сипете пола или третина од пудингот и потоа пак тесто, овошје, слатко, пудинг. можете вака да направите 2 или три слоја, во зависност од големината на садот и количините. оставете го садот во фрижидер најмалку 2-3 саата и потоа можете да го јадете благото, ама сепак повкусно е следниот ден.

ова на сликата е комбинација од пудинг од ванила, праски и слатко од капини. добра комбинација е и пудинг од чоколадо, јагоди и слатко од јагоди, а бананите одат со сè. можете да употребите кое сакате овошје, вкус на пудинг и слатко.

Fruit crumble



за тестото:
225 g брашно (може во тие 225 g да има разни брашна, дел да бидат мелени ораси, лешници или бадеми, може да се стави мелен ѓумбир, овесни снегулки… јас ставив обично брашно + малку мелени бисквити + околу 40 g кокосово брашно + топчиња од карамела)
115 g путер, ладен
90 g шеќер

за овошјето:
455 g овошје (јас ставив само праски, ама може да се стави и некое друго обошје или комбинација овошја, смокви, јаболки, капини, кајсии, рибизли, сливи, малини, круши, портокал, суво грозје, карамелизиран ѓумбир, бадеми…)
3 лажици шеќер (или мед)
некој зачин (може да се стави или не, јас ставив едно лажиче пимент)

брашното (и другите брашнести состојки, ако се ставаат) се меша со шеќерот и путерот, со раце, да се добие нешто како трошки.
овошјето, измиено и исчистено (јас ги оставив лушпите на праските, беа вкусни) се сецка ако е покрупно и се става во тавче, се посипува со шеќер, па со трошките и се пече на 200°C околу пола саат.

Fruit smoothie




1/2 шоља боровинки
1/2 шоља јагоди
1/2 шоља малини
1 праска
1 шоља ванила јогурт
1 шоља млеко

измешајте сè во блендер, сипете во голема чаша и уживајте. од наведените количини се добиваат 3 големи чаши смути.
можете да експериментирате со разни комбинации на овошја, дури и замрзнати, може да се стави само јогурт или само млеко, а добро е и со сладолед. некогаш е потребно да се додаде шеќер или мед, ако користите обичен јогурт, не ванилест, или ако овошјето е кисело (вишна на пример).

Light Buttermilk Pancakes




1 шоља брашно
2 лажици шеќер
1 лажиче прашок за печиво
пола лажиче сода бикарбона
малку сол
1 шоља buttermilk (тоа е нешто како јогурт, можете да ставите јогурт)
1 лажиче зејтин
1 јајце

прво измешајте ги сувите состојки, потоа додадете ги останатите и мешајте додека смесата не се изедначи.
сипувајте по четвртина шоља од смесата на загреано тавче со малку зејтин. откако ќе се испржи од едната страна, превртете ја палачинката да се испржи од другата страна.
можат да се додадат разни интересни ствари. маја на некои палачинки им стави боровинки, на некои цимет, а на некои парченца чоколадо.
палачинките се јадат со јаворов сируп.

Колаче со боровинки





Ова колаче всушност се вика Мамка за момчиња со боровинки (Blueberry Boy Bait). Маја го направи завчера и многу беше убаво, одма го изедовме. Рецептот е овде: smittenkichen.com. Само Маја стави дупло повеќе боровинки. И цел путер е многу, доволно би било да се стави пола. Мислам дека тогаш и боровинките нема да пропаднат до дното.

Сладолед


2 шлага
4 јајца
6 лажици шеќер
250- 300 ml ладно млеко

двата шлага се матат со млекото во една вангла. во друга се матат четирите белки, им се додаваат шесте лажици шеќер и четирите жолчки, а потоа и шлагот. на ова можете да му додадете ванилин шеќер, какао, чоколадо, мармалад, овошје или некој друг вкус.
јас ставив 2 кесички ванилин шеќер и така замрзнав половина од количината, а во другата половина додадов 2 лажици несквик.
сладоледот се става во кутија и во замрзнувач и може да се јаде по неколку саати, кога ќе се замрзне.

2 cups cream
4 eggs
6 tablespoons sugar

beat the cream in one bowl, in another beat the egg whites, add sugar, egg yolks and the cream. put the ice cream in a plastic box and in the freezer for a few hours.
you can add vanilla, cocoa, chocolate, jam, fruits or other flavour to this basic ice cream.
i put 2 sachets vanilla sugar in the icecream and froze half the batch like that, and i added 2 tablespoons nesquick in the other half.

Вафли со овошје

овде немаше многу готвење, освен слаткото од јагоди кое го направи мајка ми, вафлите се од кам маркет, а бананата е исецкана на кругчиња.
можете да ставите какво сакате овошје и какво сакате слатко или мармалад или мед или стопено чоколадо.

Чоколадни мафини





Неизвесно е дали се ова мафини или капкејкс, ама вкусни се и, што е најважно, чоколадни. а можеби и диетални: нема ни масло ни јајца во нив.

1ипол шоља брашно
3/4 шоља шеќер
1/4 шоља какао (јас додадов и 2 лажици несквик)
1 кесичка прашок за пециво (таканаречен баким прашак)
1 лажиче сода бикарбона
2/3 шоља јогурт
2/3 шоља млеко
1 кесичка ванилин шеќер

прво промешајте ги сувите состојки, па додадете ги течните и промешајте кратко. смесата истурете ја во тавче за мафини намачкано со маргарин или користете хартиени чашки. печете ги мафините на 200°C околу 15-20 минути.
не се надигаат многу, па се згодни за украсување. овие мартин ги украси со мрвици во боја и чоколадни топчиња, врз слатка павлака помешана со несквик.

Полжави со афион


за тестото:
300 g брашно
1 кесичка ванилин шеќер
200 g путер, на собна температура
125 g шеќер

сето ова + малку вода се меша прво со вилушка, па потоа со рака и тестото се остава во фрижидер пола саат.

едно кесиче (100 g) афион се вари со многу малку вода (баба ми вика дека треба да биде млеко, ама тоа ќе го пробаме следниот пат) + 100 g шеќер додека шеќерот не се растопи и не се згусне.

тестото се развлекува со сукало на 5 mm дебелина во правоаголна форма. се мачка со афионот, се витка во ролат и од него се сечат парчиња 5 mm дебели кои се печат на хартија за печење во загреана рерна на 180°C, околу 18 минути. кога ќе се извадат од рерна треба да бидат меки, ама кога ќе се оладат ќе се стврднат.