All posts in “телешко”

Red wine rasted beef with polenta | Sitno seckano

Телешко во црвено вино и бакрдан / Red wine roasted beef with polenta

дали понекогаш ви останува неиспиено вино? ни нас. сепак некогаш, ретко, може да се случи да ни остане, па еве една идеја како да се искористи. ова е од оние јадења кои ги правам без рецепт. често правам такви јадења, и не мерам, користам состојки кои ги имаме во моментот, не запишувам и јадењето при секое правење е различно.

Continue Reading…

Гулаш со кнедли / Goulash with dumplings

не знам дали овој гулаш е автентичен унгарски или не, во секој случај е многу вкусен и е одлична манџа за ова време од годината. ставете лути чили пиперчиња по свој вкус. списокот на состојки е подолг, ама воопшто не е тешко да се направи, и ако немате некој зачин, изоставете го. и кнедлите се убав додаток. обично сме навикнати на кнедли во супа, а овие се малку поразлични, дека се готват на пареа. Continue Reading…

Јанија / Beef stew

јанија е едно од моите омилени јадења. долго се готви, ама нема многу работа. може и сите зеленчуци да ги ставите на почетокот одеднаш, ама јас не сакам да ги преварам морковите па ги додавам во манџата при крај. овој пат додадов и сладок компир, кој убаво се вклопи.

Чомлек / Chomlek

 

за четворица:
1 kg кромид (најдобро е главиците да бидат мали и да се остават цели, ама ако се поголеми, не смета да се пресечат на пола или на четвртина)
700 g телешко месо без коски, во парчиња
неколку чешниња лукче, неизлупени
бибер во зрна
сол, црвен пипер
неколку листа лорбер
2-3 лажици вински оцет
сето тоа + 700 ml до 1 l вода ставете го во големо тенџере на шпорет, покријте го со капак, да зоврие водата, а потоа оставете го да се вари на тивко 2 саата, или повеќе, додека месото не е сварено убаво.

for 4:
1 kg small onions (or bigger ones, cut in half)
700 g boneless beef, cut in pieces
a few garlic cloves, unpeeled
black peppercorns
salt, paprika
a few bay leaves
2-3 tablespoons red wine vinegar
 
put all of this + 700 ml to 1 l water in a big pot on the stove, put a lid and bring to boil, then lower the heat and leave it to cook for 2 hours, or more, until the meat is well cooked.

Бифтек на скара и други вкусни нешта…



Со закаснување од неколку месеци (тука летото заврши веќе) купивме мала скара за една употреба – јаглен во кутија направена од метална фолија и мала решетка одозгора и на првиот ден без дожд ја инсталиравме на нашиот мал балкон.

Двата бифтека ги зачинив со малку сол и бибер и ги намачкав со маслиново масло. Бифтекот на скара се печеше 5 минути од едната и 7 минути од другата страна. Беше крцкав од надвор и малку розов, мек и сочен внатре. Следниот пат би го оставила пократко на скарата за да биде порозов.

2 пченки, варени во мешавина од млеко и вода, ги јадевме со путер, сол и бибер.

Црвени компири варени со лушпа, и изгмечени со малку павлака, путер, сол и бибер.

Карамелизираниот кромид, го пржев со малку зејтин на многу јака температура, со постојано мешање, околу 5 минути додека не се карамелизира.

Caesar Salad – зелена салата, croutons од бел леб исечен на коцки, полиен со малку маслиново масло и потпечен во рерна дур не се зарумени, прелив од мајонез, лимунов сок, една ронка сенф и 1 изгмечено лукче, сол, бибер и на крај ситно изрендан пармезан. (мојот прелив не беше автентичен за цезар салата – ама беше сличен на оргиналниот и подеднакво вкусен).

Маја