не знам за вас, ама кај нас дома понекогаш е паника за благо. затоа рецепти за вакви десерти, кои се прават за неколку минути, е добро да се имаат при рака.
варијанта на сладоледот со јогурт, овој е направен со процеден домашен кефир.
често во лето го правам ова колаче со праски. едноставно е, а вкусно. овој пат решив да ставам и рибизли кои ги имав во замрзнувачот, мислејќи дека ќе изгледаат убаво кога ќе се испечат на површината. рибизлите пропаднаа во тестото, ама сепак, колачето е интересно со праски и со рибизли. пробајте го на двата начина, со и без рибизли, или со некое друго летно овошје.
еве едно лесно колаче со овошје. рецептот го начекав на design sponge, а е од една дизајнерка на текстил и илустраторка чија работа ми се допаѓа, лена корвин.
колачево ептен лесно се прави, а може да се стави и друго овошје, како јаболки, сливи, боровинки, што ќе ви се најде при рака. јас имав праски и капини.
1/4 путер
рендана кора од еден лимон
1 шоља брашно
2 јајца
3/4 шоља шеќер
1 лажица кафеав шеќер
1 кесичка ванилин шеќер
1 кесичка прашок за пециво
2 шољи сецкано овошје
1/4 лажичка цимет
Oд сите рецепти за десерти во светот, моите најомилени се сите американски. Не затоа што ретко кога не се исклучително вкусни (што не би било вкусно со цел путер и пола кило шеќер – ама ајде), туку затоа што се исклучително едноставни.
Oва е мојот втор, успешен обид со овошното колаче cobbler. Може да употребите скоро било кое овошје, боровинки, јагоди, праски, малини, или мешавина од овошја …
1 2/3 шољи брашно
3 1/2 лажици шеќер
1 лажица + пола лажиче прашок за печење
2 жолчки од варени јајца (јас ставив една бидејќи мразам варени јајца)
пола путер
2/3 шоља хопла
за овошјето:
6 праски – моите беа мешавина од зрели и полу-зрели
3 лажици јаворов сируп или мед, или шеќер
малку мушкатно оревче и малку цимет
Измешајте ги сите состојки за тестото, прво со вилушка па потоа со рака. Излупете ги праските. Јас ги полив моите праски со жешка вода, па потоа ги ставив во ладна неколку минути. Пола од праските лесно се излупија поради жешката вода, пола не.
Исечете ги праските на мали парчиња и измешајте ги со циметот, оревчето и сирупот. Од тестото направете 6 (или ако тавчето ви е поголемо – 8 ) топки и ставете ги врз овошјето. Намачкајте го тестото со една лажица хопла. Печете го во рерна загрена на 180 степени околу 40 – 45 минути. И јадете го со сладолед од ванила, или пудинг или шлаг.
Маја
за тестото:
225 g брашно (може во тие 225 g да има разни брашна, дел да бидат мелени ораси, лешници или бадеми, може да се стави мелен ѓумбир, овесни снегулки… јас ставив обично брашно + малку мелени бисквити + околу 40 g кокосово брашно + топчиња од карамела)
115 g путер, ладен
90 g шеќер
за овошјето:
455 g овошје (јас ставив само праски, ама може да се стави и некое друго обошје или комбинација овошја, смокви, јаболки, капини, кајсии, рибизли, сливи, малини, круши, портокал, суво грозје, карамелизиран ѓумбир, бадеми…)
3 лажици шеќер (или мед)
некој зачин (може да се стави или не, јас ставив едно лажиче пимент)
брашното (и другите брашнести состојки, ако се ставаат) се меша со шеќерот и путерот, со раце, да се добие нешто како трошки.
овошјето, измиено и исчистено (јас ги оставив лушпите на праските, беа вкусни) се сецка ако е покрупно и се става во тавче, се посипува со шеќер, па со трошките и се пече на 200°C околу пола саат.