варијанта на сладоледот со јогурт, овој е направен со процеден домашен кефир.
обично, кога правам пица, правам голема количина тесто и тоа што ќе остане неискористено за пица го користам за други работи следните денови. овој пат направив лепињи.
често во лето го правам ова колаче со праски. едноставно е, а вкусно. овој пат решив да ставам и рибизли кои ги имав во замрзнувачот, мислејќи дека ќе изгледаат убаво кога ќе се испечат на површината. рибизлите пропаднаа во тестото, ама сепак, колачето е интересно со праски и со рибизли. пробајте го на двата начина, со и без рибизли, или со некое друго летно овошје.
уште еден ванилест сладолед, овој пат ишаран со печени вишни.
цезар салата во облик на сендвич, одличен лесен ручек.
решив оваа година често да правам сладоледи. ова е првиот, го снема за еден ден. рецептот е на мајка ми и од него се добива најмазниот и најкремаст сладолед, а може да послужи како основа за многу вкусови. јас овде додадов семчиња од стапче ванила, за поизразен ванила вкус, и искршено темно чоколадо со бадеми и лешници.
Ако имате ваков неглазиран глинен сад за печење, не чекајте како мене со години, да го употребите. кокошката испечена во него е толку сочна и мека, а зеленчуците убаво испечени. ние го јадевме ова со песто од ливчиња од морков со павлака.
за каша од сурова хељда не ви треба строг рецепт. откако ќе отстои во вода, изблендирајте ја со некоја течност (млеко, јогурт, кефир, растително млеко, сок…), зрна, семки, јаткасти плодови, свежо и/или замрзнато овошје, зачини (ванила, цимет…), нешто за заблажување (мед, суви овошја…). испробајте разни комбинации и видете што најмногу ви се допаѓа, а еве како ние ја јадевме за појадок пред некој ден.
брауни пита ми е во план за правење со месеци. јадевме една купечка на минатиот роденден на мартин и од тогаш ја чекам да дојде на ред. многу е вкусна, реакцијата на сите што ја пробаа уште на првиот залак беше “ммммммм”.
го празнам замрзнувачот од лански работи и правам место за нови овошја и зеленчуци. од тоа произлезе ова колаче со капини, кое би било исто вкусно и со други пролетни или летни овошја, свежи или замрзнати.
ова е едно од оние колачи кои лесно се прават во последен момент, кога ќе сфатите дека немате ништо благо, а гостите само што не дошле. или кога ви треба нешто чоколадно, за со кафето.