All posts in “афион”

Крекери со тиква / Pumpkin crackers

да ја почнеме годината на ситно сецкано со вкусен и лесен рецепт за крекери со тиква, посипани со разни крцкави додатоци. вкусни се со гвакамоле, хумус, сос од грав или пинџур, а и сами.

Continue Reading…

Стапчиња со мак / Poppy seed breadsticks

како предјадење, за ужинка, за грицкање, кога ќе ви дојдат гости или само онака, без посебна причина, стапчињава се супер. измешајте во тестото афион, или посипете ги со сусам, ким или сол, или со солен прелив што се тегне како гума, каков што ставаат во пекарите на переци. одлични се без ништо, ама и со нешто како хумус, сос од грав или песто од магдонос.

Continue Reading…

Пити со печурки и тиква / Pumpkin and mushrooms tarts

кога ќе купите на пазар тиква од 6 kg, од неа можете неколку пати да направите пита, колач, мафинисупасалата или смути. можете и да замрзнете дел од пирето од тиква за правење колачи кога тиквите ќе ги нема на пазар, а можете да пробате и нешто ново, како овие солени пити со тиква и печурки. ние дома повеќе сакаме пити од тиква во блага варијанта, ама и овие солениве не беа воопшто лоши. тестото лесно се развлекува тенко, а кога ќе се испече е крцкаво од афионот, а филот е повеќе или помалку слатко-солен, во зависност од тоа колку е блага тиквата.

Continue Reading…

Баклава со афион / Poppy seed baklava

scroll down for the recipe in english

еве го рецептот за баклавата со афион. многу лесно се прави и многу е вкусна и лесна за јадење.

ви требаат:
500 g тенки кори

фил: 3 јајца изматете со 2 чаши шеќер (чаша од 200 ml). додадете 1 чаша кисело млеко, 1 прашок за пециво, 1 чаша зејтин, 2 кесички ванилин шеќер, 250 gr несомелен афион.

шербет: 3 чаши шеќер и 2 1/2 чаши вода ставете да вријат 7 минути.

плех голем колку корите (или малку помал, мојот е 22 х 33 cm) намачкајте со зејтин, ставете две кори попрскани со зејтин, а потоа секоја следна кора посипете ја со 3 – 3 1/2 лажици фил. последните две кори повторно попрскајте ги со зејтин. ако се корите поголеми од тавчето, исечете ги колку дното на тавчето, а остатоците употребете ги во редењето.

исечете ја баклавата на коцки и печете ја на 200°C околу 40 минути. кога ќе се олади, прелијте ја со средно топол шербет и почекајте да го упие пред да ја послужите.

here is the recipe for the poppy seed baklava. easy to make and easy to eat.

you’ll need:
500 g filo pastry

filling: beat 3 eggs with 2 cups sugar (i used a 200 ml cup). add 1 cup yogurt, 1 sachet baking powder, 1 cup sunflower oil, 2 sachets vanilla sugar, 250 gr poppy seeds.

syrup: boil 3 cups sugar with 2 1/2 water for 7 minutes.

oil a pan as big as the filo sheets (or a little smaller, mine was 22 х 33 cm), put two sheets sprinkled with oil, then pour 3 – 3 1/2 tablespoons of the filling on every next sheet. the last two sheets sprinkled with oil again. if the sheets are bigger than the pan, cut them in the right size and use the left pieces in the layering.

cut the baklava in cubes and bake at 200°C around 40 minutes. when cold, pour the warm syrup and leave to absorb before serving.

Полжави со афион


за тестото:
300 g брашно
1 кесичка ванилин шеќер
200 g путер, на собна температура
125 g шеќер

сето ова + малку вода се меша прво со вилушка, па потоа со рака и тестото се остава во фрижидер пола саат.

едно кесиче (100 g) афион се вари со многу малку вода (баба ми вика дека треба да биде млеко, ама тоа ќе го пробаме следниот пат) + 100 g шеќер додека шеќерот не се растопи и не се згусне.

тестото се развлекува со сукало на 5 mm дебелина во правоаголна форма. се мачка со афионот, се витка во ролат и од него се сечат парчиња 5 mm дебели кои се печат на хартија за печење во загреана рерна на 180°C, околу 18 минути. кога ќе се извадат од рерна треба да бидат меки, ама кога ќе се оладат ќе се стврднат.