цезар салата во облик на сендвич, одличен лесен ручек.
Ако имате ваков неглазиран глинен сад за печење, не чекајте како мене со години, да го употребите. кокошката испечена во него е толку сочна и мека, а зеленчуците убаво испечени. ние го јадевме ова со песто од ливчиња од морков со павлака.
го празнам замрзнувачот од лански работи и правам место за нови овошја и зеленчуци. од тоа произлезе ова колаче со капини, кое би било исто вкусно и со други пролетни или летни овошја, свежи или замрзнати.
ова не е ни рецепт. ова се само идеи за еден солен појадок со една состојка која најчесто ја јадеме во блага варијанта. само мене сé почесто ми треба солен појадок. се разбира, некоја крофна, чоколадна кифла или гранола со мед би биле совршени со првото (или второто) кафе, ама сé почесто ги гледам како десерт после солениот дел. затоа ваква некоја комбинација многу ми се допаѓа.
знам дека за повеќето рецепти викам дека лесно се прават. тоа е една од работите што ми е мене важна, сакам да правам лесни рецепти, ретко се нафаќам на нешто комплицирано. а понекогаш не толку лесниот рецепт го менувам да биде лесен.
имаме рецепти за пици, не е дека не сме ја покриле таа тема до сега. само, работата е што ние дома прилично често јадеме пица и јас си зададов задача да го усовршам правењето на тестото. последниве неколку месеци сум прилично задоволна од тоа каков вкус и изглед има тестото. и целото правење не одзема многу време, нешто што ми е важно бидејќи не сакам да го поминам цел ден во кујна, иако уживам во готвењето. само треба малку планирање и правење на тестото некој ден однапред. мене баш тоа ми се чини дека ми ја олеснува работата, еден ден го правам тестото, а следните денови имам спремно тесто за пица, стапчиња со лукче и пармезан или стромболи.
еве ме во последен момент да ви дадам идеја или две за домашно зготвени подароци за нова година.
ми претставува особено задоволство да ви раскажам за преплет. ако не сте чуле за нив, веднаш разгледајте го нивниот сајт, ќе најдете многу интересни работи дизајнирани од викторија и магдалена. тие ни предложија соработка на нивниот последен каталог и јас бев пресреќна дека ќе можам да зготвам нешто за нив, а даниел сето тоа да го фотографира. и, еве ги рецептите за кишовите и мафините кои се најдоа на страниците на каталогот, покрај штосните предмети со откачени пораки.
фахити со пилешко е едно од нашите омилени јадења. на сите дома ни се допаѓа зачинетото пилешко, веќе и мартин сака да јаде луто, а ни тој ни даниел за ова јадење не негодуваат дека има кумин, иако за некои други јадења веднаш забележуваат и се противат на зачините кои нагалено ги нарековме 4К (кумин, коријандер, куркума и кардамом).
крем супите се вкусни од кој зеленчук и да ги направите. брокули, карфиол, зелка, спанаќ, домати, тиквици, модри патлиџани, моркови, пашканат, праз, компири, целер, кромид… сите комбинации се можни. а ако сакате да направите нешто уште поинтересно, направете две крем супи, од различни состојки и послужете ги одеднаш, со разни додатоци. јас овој пат направив една од тиквици и една од моркови.
ммм, младо кромитче. толку вкусно, толку потсетува на пролет, и толку лесно применливо во разни рецепти. едно од моите омилени јадења е кајгана со младо кромитче, а многу е вкусно и во рестован компир, особено зелените делови.
знам дека ги цените брзите рецепти, а денешниов е еден таков: ориз и зеленчуци на пареа. одлучив да ги зачинам само со сол и црн бибер за да може да дојде до израз вистинскиот, чист вкус на зеленчукот, кој вака зготвен е ем омекнат ем крцкав.