за гранола веќе имаме зборувано, ама мислам дека не е на одмет да се спомне пак. во последно време често ја правам, во разни варијанти и комбинации, па еве една од нив, многу вкусна ако ја потопите во кефир или јогурт. можете да ѝ додадете сецкано јаболко, банана, крушка, или малку џем или некое слатко.
брауните си се супер и без никаков фил, ама сепак е убаво понекогаш да се пробаат и вакви, а чоколадо и кокос дефинитивно добро одат.
прекрасен неделен ручек. солените марокански лимони повторно си го направија своето. ако не сте ги направиле до сега, сега е моментот. се разбира, ако немате солени марокански лимони, можете да употребите рендана кора и сок од свеж лимон и да додадете сол.
ова желе е само за љубителите на виното. има јак вкус на вино, одлично оди со крекери и разни сирења, а го помина и тестот на моите колеги.
мислам дека нема некој кој не ги сака “ресана” или “јафа” колачите. сакав да се обидам да ги направам, инспирирана од овој рецепт, а на сајтот на маја, provereni recepti – cooks and bakes најдов детално објаснување како да се направат. за роденден од колегите добив калапи за колачи во форма на срциња во неколку големини и веќе немаше дилема што ќе направам за св. валентин.
дома ретко јадеме вакви салати, со некоја житарка, иако се вкусни и е многу здраво да се јадат житарките цели и необработени. оваа шарена салата не може да не биде вкусна и здрава со сите интересни состојки во неа. и многу е згодна за прилагодување, употребете тоа што имате. наместо јачмен – просо, булгур, кус-кус…, наместо тиква – цвекло или моркови, наместо ф’стаци – бадеми, лешници, ореви, семки од тиква или сончоглед… тука добро би дошле и брокула или зелена салата.
рецептот за ова кари е од џејми оливер. тој користи кокосово млеко, кое јас го заменив со кефир. ми се допаѓаат индиските кари манџи зготвени во јогурт, и пилешкото месо стоено во јогурт станува меко и сочно, ама во последно време правам дома кефир и секогаш го имам, па овој пат употребив кефир. слободно можете да го направите ова кари со јогурт, кисело млеко или кокосово млеко.
сите супи од тиква што сум ги направила до сега биле добри, ама не доволно за да се најдат тука. моркови, кари, мускатно оревче и разни други зачини се најдоа во нив, ама тоа не беше тоа. сé додека не додадов праз, лута пиперка и кокосово млеко. вкусот на тиквата пак е тука и е јак, ама заедно со сите други состојки се добива супа од која ќе сакате да си дотурите.
scroll down for the recipe in english
Времето е само за варено вино. Многу е едноставно да се направи дома, можете да употребите разни зачини и овошја, а еве што употребив јас пред некој ден за вареното вино од сликите:
пред околу 2 години пробав да направам желе бомбони од јаболки и дуњи. не излегоа бомбони, желето не се стврдна доволно, иако беше многу вкусно. сега решив да го направам истото само од дуњи. дуњите имаат повеќе пектин и полесно се згуснуваат. наидов на неколку рецепти за желе од дуњи, или мембријо, како што го викаат во шпанија и една недела (бидејќи за правењето требаат неколку саати) се нафатив да го правам. негде на половина од готвењето, тука се најде татко ми и рече: “ти правиш китникес”. да, колку и да звучи чудно името, желето од дуњи кај нас се вика китникес.