ако до сега не решивте каква торта да направите за нова година, еве една чоколадна пита која во комбинација со калинките добива свеж вкус и свечен изглед.
некако, цело буре полно со зелки ми изгледаше застрашувачки. ниту имаме место за него, ниту можеме да изедеме толкава количина кисела зелка. затоа рецептов за сауеркраут од bonzai aphrodite супер ми дојде. киселата зелка е многу здрава. направив и кимчи, корејска туршија од зелка и моркови, ама за него во друга прилика.
ако сакате на своите блиски и пријатели да им подарите домашно зготвени подароци, мислам дека е вистински момент да почнете со планирање, а ние ќе ви дадеме неколку вкусни предлози да ви помогнеме.
не знам дали негде во скопје можат да се најдат свежи брусници. јас ова колаче го направив кога бевме на гости кај маја и џипу во холандија, ама мислам дека ќе биде исто толку убаво и со вишни… или сливи. само ставете помалку шеќер ако се благи.
ако ви се допаѓа вкусот на споро пржен, карамелизиран кромид, тогаш ќе ви се допадне и супава. идеална е и сосем доволна за ручек или вечера кога е вака ладно времето. и лесно се прави, иако долго, ама нема многу работа.
панакота се прави многу лесно и брзо. само треба да отстои во фрижидер неколку часа или преку ноќ. овде слаткоста од кокосовото млеко одлично се надополнува со киселкастиот сируп од калинки.
ова е нашата омилена супа. многу често ја правам, во големо тенџере и ни трае по неколку дена.
количините се отприлика, без мерење, а од состојките, пилешкото, морковите и компирите се обавезни, а друго, зависи од сезонската понуда на зеленчуци и моменталното расположение. пашканат, целер, брокули, карфиол, тиквица, грашок, многу ретко фиде, понекогаш една шака ориз или јачмен или пченица, магдонос или спанаќ или ливчиња целер… дури и листови од брокула или од карфиол. некогаш додавам изматено јајце, некогаш кнедли… јас ја јадам со многу бибер.
престојот во холандија кај маја и џипу секогаш е поврзан со јадење интересни јадења и пробување нови состојки. овој пат тоа се ендивија и келераба, и двете многу вкусни и многу здрави.
веќе некое време ми се јадат вакви работи. некое интересно тесто, месено или не, со интересен фил. ова лепче беше многу многу вкусно. меко како душа. сите што го пробаа го бендисаа.
секогаш е добро да се грицне некое колаче со кафето, а ако колачите имаат вкус на кафе – уште подобро, па уште и со парченца чоколадо… откако ја добивме машината за кафе dolce gusto, се “навлековме” на еспресо.
се мислев дали да го напишам рецептов сега, или да го чувам за догодина. јас и мајка ми кечапот го направивме во првата половина од септември, ама некако други рецепти имаа предност, и овој остана. можеби уште не е касно да направите кечап, а ако не, догодина, кога ќе има убави зрели патлиџани. ние го сакаме кечапот ваков едноставен, па затоа не додаваме зачини и тревки.
да продолжиме со печените зеленчуци. оваа салата мајка ми често ја прави со пржени тиквици и кисело млеко и јас порано не ја сакав, повеќе ги сакав тиквиците со лукче, магдонос и оцет, ама изгледа со тек на време вкусот на човек му се менува. сега оваа салата ми е поубава.