секогаш е добро да се грицне некое колаче со кафето, а ако колачите имаат вкус на кафе – уште подобро, па уште и со парченца чоколадо… откако ја добивме машината за кафе dolce gusto, се “навлековме” на еспресо.
не е доцна да смучкате уште некој сладолед додека летото не е завршено. овој е можеби најчоколадниот сладолед што некогаш сум го направила, а и син ми го одобри. прилично кремаст и со интензивен вкус.
направив ликер. од кафе. тука има умешани и други работи, не е само кафето, ама ликерчето е баш супер. може да се пие, а може да се става и во колачи (или во сладолед).
можеби лаванда во јадење звучи чудно, ама ако не ставите премногу, лавандата додава многу интересен мирис и вкус. јас лавандата ја собрав од еден двор. собрав 3 – 4 гранчиња, ги ставив во тегла и ги оставив непоклопени околу 2 недели да се исушат. во колачиве потрошив само пола, па можно е наскоро да направам некој сладолед со лаванда, или некоја пита. ако наидете негде на расцветана лаванда, соберете неколку гранчиња и пробајте еден нов вкус.
на овие температури сигурно не ви се стои покрај шпорет и не ви се готви. затоа еве еден освежителен пијалок од лубеница и портокал.
пред некое време си купивме соковник. не верував, ама многу добра справа е. секој ден смислуваме некоја нова комбинација од овошје и зеленчук. мојата омилена е јаболко, портокал, јагоди, морков и цвекло + некоја искршена коцка лед… нема подобро освежување.
само некако тешко ми паѓа да ја фрлам пулпата што останува од овошјето. еднаш остатокот од морковите го ставив во супа, еднаш направив колаче со пулпа од јаболко, портокал и лимон, а во овие мафини, наместо сецкани јагоди или некое друго сецкано овошје, ставив остатоци од јагодите од соковникот.
јас не пијам кока-кола, иако секогаш ја имаме, бидејќи некој кај нас дома мора да ја има својата дневна доза. ама немам ништо против да готвам со неа. како на пример вакви колачи, кои се прилично чоколадни, меки и сочни, а вкусот на кока-кола скоро и да не се осеќа.
можеби вас коктелите ве асоцираат на викенд или одмор, ама мене некои денови добро ми доаѓа по еден ваков коктел после работа. инспирацијата е од овде.
пред некое време на гости ни беше екипата од списанието “теа модерна” и еве што зготвивме за нив. рецептите минатата недела можевте да ги прочитате во списанието, а еве ги сега и тука.
a few weeks ago we had guests from the magazine “tea moderna” and here is what we cooked for them.
син ми мартин многу сака јагоди. и свежи и во разни колачи. прво се израдува кога ме виде како ги редам врз тестото, па се разочара дека ги посипав со оцет балсамик, рече дека не сака ни да проба, ама кога излезе галетата од рерна, убаво испечена и миризлива, не можеше да одолее, проба и се воодушеви. не знам што им прави оцетот балсамик на јагодите, ама вкусот е ненадминлив.
наједноставниот сладолед што можете да го направите со овошје. мислам дека бев шесто или седмо одделение, кога баба ми ми го откри рецептот за овој овошно-јогуртен сладолед и од тогаш го правам секое лето со разни овошја. банани, праски, диња, цреши, вишни, круши… ама мислам дека со јагоди е највкусен.
Еве едно прекрасно едноставно колаче. Рецептов е од австралискиот готвач Бил Гранџер. Јас имам една од неговите книги и ми се допаѓаат неговите убави и едноставни рецепти. Лесно се прави (дали некогаш вoопшто правам тешки рецепти?) плус дома ќе ви мириса на ванила, цимет и кокос цел ден. Највкусно е топло, ама и следните неколку дена е убаво, ако воопшто потрае толку долго. Се надевам ќе ви се допадне!