ова едноставно благо мајка ми порано многу често го правеше. а и моите две баби, само имаа различни рецепти. едната вака, само од млеко, јајца и шеќер и го викаше и јајчаник, а другата со кори. тој рецепт со кори го немам, ама баш сакам да го најдам. а ваквиот млечник, ладен, од фрижидер, мене ми е повкусен и од сладолед.
сакав да ја искористам уште малку сезоната на тикви, па го направив овој брз тарт, во кој тиквата е тенко исечена за лесно да се испече, и само малку зачинета и со малку шеќер, за да се осети нејзиниот карактеристичен вкус.
имавме некоја алва, која никако да ја изедеме, па решив да ја ставам во милиброд. секако мора да има и чоколадо за рамнотежа во вкусот, таан и мед за филот да биде кремаст, а тестото е како милибродот со суво грозје, само плетенките се увиени од два дела.
питите со овошје ми се едни од омилените десерти. тестото многу брзо и лесно се прави, филот се прилагодува според овошјето кое е во моментот зрело и го има најмногу по пазарите, а може да се употреби и замрзнато овошје. и формата е прилагодлива, може да биде висока пита, преполна со јаболка или капини, прекриена со слој тесто, плитка пита со крцкав крамбл врз овошјето или тарт или галета со јагоди, праски или смокви во еден слој.
сум ја спомнувала и порано динстаната тиква, ама бидејќи е најчестиот начин на кој готвам тиква за пита, колачи или било кој рецепт во кој се користи пире од тиква, мислам дека заслужува свое посебно место. особено што вака зготвена ми е многу повкусна отколку испечена, прелиена со малку сируп кој се создава на дното од тенџерето.
и сирење и рукола и суви домати и калинка и мед… само немаше место за сето тоа во насловот. изгледа како нафрлани работи, ама заедно си одговараат многу добро и сендвичот е ептен вкусен.
брзо и лесно колаче, нема ни масло ни млеко во него, а сепак е сочно и меко од слаткиот компир.
варијанта на сладоледот со јогурт, овој е направен со процеден домашен кефир.
често во лето го правам ова колаче со праски. едноставно е, а вкусно. овој пат решив да ставам и рибизли кои ги имав во замрзнувачот, мислејќи дека ќе изгледаат убаво кога ќе се испечат на површината. рибизлите пропаднаа во тестото, ама сепак, колачето е интересно со праски и со рибизли. пробајте го на двата начина, со и без рибизли, или со некое друго летно овошје.
уште еден ванилест сладолед, овој пат ишаран со печени вишни.
решив оваа година често да правам сладоледи. ова е првиот, го снема за еден ден. рецептот е на мајка ми и од него се добива најмазниот и најкремаст сладолед, а може да послужи како основа за многу вкусови. јас овде додадов семчиња од стапче ванила, за поизразен ванила вкус, и искршено темно чоколадо со бадеми и лешници.
поедноставно овошно колаче не знам, или можда така викам за повеќето, кога ќе земам да ги правам по 2 – 3 пати неделно. ама ова стварно многу брзо и лесно се прави, најмногу време одзема миењето и чистењето на семките од сливите. а е толку меко и воздушесто.
Continue Reading…