мајка ми ги нашла овие бели модри патлиџани на пазар и ги купила да ги пробаме. не знаев што е најпогодно да се зготви со нив, па неколку дена стоеја во кујна, додека не почнаа да се сушат. си реков дека е подобро да зготвам било што отколку да ги оставам да пропаднат и првото што го направив со еден од нив беше да го испечам на кришки со многу заатр. излезе многу вкусно, особено со печените патлиџани, сирење и балсамик крема (или кремаст балзамик). кремастиот балзамик е едноставно згуснат балзамик оцет и има поконцентриран вкус. јас го донесов од холандија, ама сум видела и тука по големите продавници. инаку во јадењево може да се употреби и обичен балзамик оцет.
во последно време на пазар сé почесто можат да се најдат вакви долгнавести патлиџани. вкусни се, иако не се многу сочни, ама баш затоа се погодни за печење. ние ги јадевме за ручек со шпагети со маслинки, капари, лута пиперка и босилок и беше убава промена од вообичаените шпагети со кечап, а следниот ден со печени модри патлиџани.
галетите на деб од smitten kitchen веќе ни се испробани и се неверојатно лесни за правење и вкусни.
лукче и магдонос – најдобри другари, така вели џејми оливер во неговите емисии, а син ми се смее на тоа. ама лукче и магдонос навистина е одлична комбинација, уште и премачкани на чворчиња од тесто… нема да можете да каснете само едно или две.
минатиот викенд имавме на гости една другарка од битола, елена, која остана неколку дена. во саботата елена ни направи многу убав ручек: интегрален ориз со многу зеленчуци, сирење халуми “на скара” и за десерт – интегрален ориз со урми. сé беше многу вкусно, особено додатокот од рендана кора од лимон, кој го направи оризот многу свеж.
за мене зборот пинерлија (или пењрлија) значи благо, колаче направено од гриз и младо несолено сирење, какво што правеше баба ми. за даниел пинерлија е солено, лепче полнето со сирење, како што јадел во детството. ова овде се солените пинерлии по рецепт на лана од la cuisine creative. многу се вкусни и меки и одлични за доручек со јогурт или кисело млеко. а некој ден ќе пробам да го направам и колачето.
не можев да одолеам да не ги купам овие млади компирчиња пред некој ден на пазар. можеби претерав со бирање на најситните, ама ми изгледаа многу слатки.
ова јадење го направив за сите оние кои постат периодов. беше многу вкусно, a зготвено е без масло, што беше многу лесно да се направи во керамичко тенџере кое не се лепи, ама мислам дека кромидот може да се зготви во било какво тенџере без масло, со додавање малку вода.
за оние кои периодов постат, ги собравме на едно место посните рецепти / we collected all the lenten recipes in one place:
деновиве младото кромитче е сé поприсутно на пазарите, па еве ви идеја (освен онака да си го грицкате) како да се насладувате со него. јас измешав обично брашно со интегрално брашно од спелт (спелта, пир) и со пченични никулци, ама ако сакате можете да употребите и само обично брашно или да направите некоја друга комбинација.
надвор врне и дува и сигурна сум дека една ваква супа е сé што ви треба.
прекрасен неделен ручек. солените марокански лимони повторно си го направија своето. ако не сте ги направиле до сега, сега е моментот. се разбира, ако немате солени марокански лимони, можете да употребите рендана кора и сок од свеж лимон и да додадете сол.