знаете дека многу сакаме да јадеме шопска, и ја јадеме скоро секој втор ден. е, ама оваа салата панзанела се заканува да и го заземе местото. барем мене многу ми се допаѓа, со преливот од оцет балсамик и лепчето кое ја упива течноста од патлиџаните.
времево можеби е претопло за готвење и јадење вака луто и зачинето јадење, ама кога ќе ми се пријаде нешто индиско, тешко дека било што ќе ме расколеба, па ни топлото време.
галетите на деб од smitten kitchen веќе ни се испробани и се неверојатно лесни за правење и вкусни.
на овие темпратури сигурно не ви се готви многу, а ни мене, затоа пробувам да најдам рецепти за кои не треба многу време да се помине во кујна. рецептот за сливите со маскарпоне, мед и нане е од joy the baker и е многу лесен, брзо се прави, а вкусот неверојатен. таа користи кајсии, ама мислам дека и со праски би било многу вкусно.
лукче и магдонос – најдобри другари, така вели џејми оливер во неговите емисии, а син ми се смее на тоа. ама лукче и магдонос навистина е одлична комбинација, уште и премачкани на чворчиња од тесто… нема да можете да каснете само едно или две.
не е дека немаме до сега правено превртени колачи. баш ова со сливи ни е едно од омилените дома, или истото во зима со јаболка, или ова со цреши и меко како душа тесто од пченкарно брашно. ама ова со кајсии е различно. прво, со кајсии е, иако многу е вкусно и со сливи или со комбинација од сливи и кајсии. второ, во тестото има многу ѓумбир и многу павлака.
долго динстано свинско на тивко е една од најдобрите работи кои ги прави мајка ми. јас со ова парче свински врат решив да направам нешто друго, инспирирана од многуте рецепти за свинско по интернет. во мешавината зачини има и кафе и шеќер, ама на крајот нема да приметите дека ги има, туку со нив месото добива убава зачинета коричка и е толку меко што се распаѓа само со вилушка. а компирите вака испечени ни се обавезен и омилен начин на готвење кога се млади, ама покрупни, не ситни.
неодамна наидов на многу убаво нане со неверојатно јак вкус. ми се чини дека ќе беше прејак за табуле, па го направив овој сладолед. нема да ви се верува колку јак ментол вкус има сладоледов. а особено добро доаѓаат малите парченца чоколадо измешани низ сладоледот.
минатиот викенд имавме на гости една другарка од битола, елена, која остана неколку дена. во саботата елена ни направи многу убав ручек: интегрален ориз со многу зеленчуци, сирење халуми “на скара” и за десерт – интегрален ориз со урми. сé беше многу вкусно, особено додатокот од рендана кора од лимон, кој го направи оризот многу свеж.
пред скоро 2 години направивме една лимонада со краставица и ѓумбир, наречена “бесна лимонада” од наши читатели кои ја пробале, која не можевме ни да претпоставиме дека ќе стане нашиот најпопуларен објавен рецепт. ладниот чај, кој ви го претставуваме денеска е сериозна конкуренција на лимонадата, неверојатно освежителен и со интересен киселко-сладок-лут вкус од лимонот и сирупите од калинка и ѓумбир.
мислам дека нема многу што да се објаснува тука, меки ровки мафини полнети со цреши и посипани со шеќер и ореви. син ми мартин изјави дека овие се неговите втори омилени мафини (први се брауни мафините).