коблер обично се прави како овој со праски на маја. таа многу убаво го прави, еднаш дури донесе рабарбара од холандија за да ни направи коблер со рабарбара.
не знам дали сé уште има смокви на пазар. се надевам можат да се најдат, затоа што штрудливе се многу вкусни, лесно се прават и се многу подобри од купечките.
после питата со тиквици воопшто не ми е чудно кога ќе видам тиквици во благ рецепт. ова чоколадно колаче со тиквици е феноменално, ептен чоколадно, а сочно од тиквиците.
ликер, рум, пиво… сé сме пробале во колачи, ама овој пат колачето е со коњак. неверојатно сочно, дури и поубаво е вториот и третиот ден. го направив еднаш со сливи и еднаш со круши, првиот пат со помалку коњак, вториот со повеќе и дефинитивно препорачувам да ставите повеќе. кога го правев ова со круши, немав рузмарин, ама ако имате при рака, секако ставете, колачето е поинтересно со него.
на овие темпратури сигурно не ви се готви многу, а ни мене, затоа пробувам да најдам рецепти за кои не треба многу време да се помине во кујна. рецептот за сливите со маскарпоне, мед и нане е од joy the baker и е многу лесен, брзо се прави, а вкусот неверојатен. таа користи кајсии, ама мислам дека и со праски би било многу вкусно.
не е дека немаме до сега правено превртени колачи. баш ова со сливи ни е едно од омилените дома, или истото во зима со јаболка, или ова со цреши и меко како душа тесто од пченкарно брашно. ама ова со кајсии е различно. прво, со кајсии е, иако многу е вкусно и со сливи или со комбинација од сливи и кајсии. второ, во тестото има многу ѓумбир и многу павлака.
неодамна наидов на многу убаво нане со неверојатно јак вкус. ми се чини дека ќе беше прејак за табуле, па го направив овој сладолед. нема да ви се верува колку јак ментол вкус има сладоледов. а особено добро доаѓаат малите парченца чоколадо измешани низ сладоледот.
минатиот викенд имавме на гости една другарка од битола, елена, која остана неколку дена. во саботата елена ни направи многу убав ручек: интегрален ориз со многу зеленчуци, сирење халуми “на скара” и за десерт – интегрален ориз со урми. сé беше многу вкусно, особено додатокот од рендана кора од лимон, кој го направи оризот многу свеж.
мислам дека нема многу што да се објаснува тука, меки ровки мафини полнети со цреши и посипани со шеќер и ореви. син ми мартин изјави дека овие се неговите втори омилени мафини (први се брауни мафините).
ќе си помислите “ах, уште еден чоколаден тарт”, по оној со тесто од бадеми и оној со сируп од калинка, ама не, не сме завршиле со чоколадните тартови. овој е со таан и можам да ви потврдам дека чоколадо и таан е одлична комбинација. тестото е малку поразлично, има и јајце, а количината е доволна за два тарта, па половина може да замрзнете за другпат, бидејќи со наведените состојки за филот се добива доволно фил за еден тарт.
имав во план некои други вкусови сладолед да направам, ама кога го видов сладоледов од кафе, тој доби предност пред сите. многу е вкусен, мазен, кремаст и кафето убаво се осеќа. ова е еден од оние рецепти за кој треба да се употребат повеќе вангли и садови, ама вреди.